نجل عبدالرحمن أبوزهرة يحتفل بعيد ميلاد ابنته: «مش مصدق السنين بتجري إزاي»

شارك الموسيقار أحمد أبوزهرة، نجل الفنان الراحل عبدالرحمن أبوزهرة، صورا لابنته مريم وهي تحتفل بعيد ميلادها من خلال منشور عبر حسابه الرسمي بموقع فيسبوك، وتضمنت الصور الكثير من الذكريات لمرحل عمرها المختلفة بداية من طفولتها حتى شبابها واحتفالها بنجاحها.

رسالة خاصة من نجل عبدالرحمن أبوزهرة لابنته

وحرص أحمد عبدالرحمن أبوزهرة على توجيه رسالة لابنته قائلا: «مريم النهاردة تمت 18 سنة.. مش عارف إزاي السنين بتجري بالشكل ده.. كٌنت لسه إمبارح شايلها وهي في اللفة وبتعيط لما كنا أنا ومامتها نوقف عزف علي البيانو، النهاردة مريم بتقف على أكبر مسارح العالم وتعزف صولو مع أهم أوركسترات العالم، حفلاتها بتتباع في أوروبا كل تذاكرها».

أحمد عبدالرحمن أبوزهرة لابنته واثق أن جدك فخور بيكي

وتابع نجل الفنان الراحل عبدالرحمن أبوزهرة قائلا: «السنة دي بس مريم حصلت على جوائز مهمة جدا إلى جانب انشغالها الدائم بالحفلات والسفر، والعزف استطاعت أنها تخلص المدرسة وتحصل على الثانوية العامة بتفوق من مدرستها في ڤيينا.. مش عارف أقول إيه ولا إيه وافتخر بإيه ولا إيه.. أنا واثق أن جدك الله يرحمه فخور بيكي ومبسوط بكل اللي بتحققيه خاصة انك انتي أصغر حفيدة له وكان دائما ليكي مكانة خاصة في قلبه (نظرا للشبه الكبير بينك وبين جدتك) كل سنة وانت طيبة يا أحلى وأغلى إنسانة في الوجود».

• عبدالرحمن أبوزهرة
• أحمد عبدالرحمن أبوزهرة