جهاد جريشة: أوسكار رويز قال للحكم محمود وفا «أنا بحبك»
جهاد جريشة: أوسكار رويز قال للحكم محمود وفا «أنا بحبك»
قال جهاد جريشة، عضو لجنة الحكام السابق، إن أوسكار رويز، رئيس لجنة الحكام السابق، كان بيحب الحكم محمود وفا، عشان بيقوله دايمًا أنت شبهي فأنا بحبك، مؤكدًا أنه قاله له أمامنا: «أنت شبهي، وتحركاتي وشكلي في الملعب».
رسائل جهاد جريشة عضو لجنة الحكام السابق عن أوسكار
وأضاف عضو لجنة الحكام السابق، في تصريحات تلفزيونية: «على فكرة، ده لا يعيب أوسكار، بس ده حصل، مؤكدًا أنا قلت له: «موضوع الحب والكره في الإدارة ده مش موجود، ما ينفعش يبقى موجود بأي حال من الأحوال».
رفض ظهور أوسكار على التليفزيون بعد مباراة الأهلي وسيراميكا
وأكمل جهاد جريشة: «أنا كنت رافض طلوع أوسكار، على التليفزيون بعد مباراة سيراميكا والأهلي بعد أزمة عدم احتساب محمود وفا لركلة جزاء للفريق الأحمر، قلت له متطلعش قاللي ده الاتحاد اللي قاللي، قلت له غلطان، ما تطلعش».
وأتم: «النادي الأهلي كان يستحق ركلة جزاء أمام سيراميكا، وهذه وجهة نظري، وبكل تأكيد لا يوجد حكم في الدوري المصري قاصد الوقوع في خطأ تحكيمي، والجميع على مسافة واحدة من جميع الأندية، وكل التوفيق لأسرة التحكيم المصري فيما هو قادم».
