أول ظهور للفنانة دينا حرب بعد إعلان خبر وفاتها منذ 7 سنوات
أول ظهور للفنانة دينا حرب بعد إعلان خبر وفاتها منذ 7 سنوات
حسمت الفنانة اللبنانية دينا حرب الجدل المثار حول شائعات وفاتها التي ظهرت على منصات التواصل الاجتماعي خلال الأيام الماضية، مؤكدة أنها ما زالت على قيد الحياة، وأن ما تم تداوله بشأن وفاتها منذ 7 سنوات ليس صحيحا.
أول ظهور لدينا حرب بعد تداول خبر وفاتها
وقالت دينا حرب في تصريحات لـ«الوطن»: «الفكرة إن فيه ناس كتير أوي بدأوا يبعتولي اللينكات بتاعة خبر وفاتي، مكتوب إني اتوفيت واتوفيت إزاي، والحكاية كلها غلط، بس زي ما قولت الفترة دي اليومين اللي فاتوا الموضوع بقى سخيف بزيادة، علشان كمية الناس اللي كلموني وقالولي إن لازم أطلع وأبرر وأقول إني لسه عايشة، فحسيت إن ده الوقت المناسب إني أطلع وأقول إن الخبر ده غلط».
وأضافت: «لما شوفت الأخبار دي كنت متضايقة جدًا، ومكنتش عايزة أطلع أتكلم في الموضوع، لأن الموضوع كان سخيف أوي، وأنا من 2011 خرجت من التمثيل تمامًا.. كنت عايشة في مصر فكنت بمثل وأنا صغيرة، ولما روحت لبنان عملت حياتي هنا وبعدت كل البعد عن التمثيل، وعلشان كده مهتمتش بالموضوع في الأول، بس الفترة دي بجد الموضوع أزعجني».
دينا حرب: لم أهتم بانتشار خبر وفاتي
وكشفت دينا حرب أن خبر وفاتها كان قد انتشر للمرة الأولى منذ سنوات، إلا أنها لم تهتم به في ذلك الوقت، قائلة: «قريت الخبر من وقت طويل بس مهتمتش، لأنه كان بوست وبيعدي، مهتمتش، بس اليومين دول البوست انتشر أكتر على تيك توك والسوشيال ميديا كلها، وأنا عندي أكونت بس خاص، فالناس بقت تبعتلي بشكل مهول ويسألوني هل عايشة ولا لأ، وهنا قررت أطلع وأتكلم».
وأوضحت الفنانة اللبنانية أنها ابتعدت عن الوسط الفني والتمثيل منذ عام 2011، وفضلت بعد انتقالها إلى لبنان أن تبدأ حياة جديدة بعيدًا عن الأضواء، وهو ما جعلها لا تهتم في البداية بخبر الوفاة المتداول، قبل أن يتسبب انتشار الخبر مجددًا على نطاق واسع في إزعاجها ودفعها للخروج عن صمتها وحسم حقيقة الأمر.
