الفنان عبد الرحيم حسن: نمبر وان الحقيقي ما يقولش على نفسه كده
الفنان عبد الرحيم حسن: نمبر وان الحقيقي ما يقولش على نفسه كده
أكد الفنان عبد الرحيم حسن، أن الفنان لا يستطيع أن يصف نفسه بأنه نمبر وان، مشيرًا إلى أن الجمهور صاحب الحق في تحديد مكانة الفنان ونجاحه.
وقال عبد الرحيم حسن، خلال لقائه ببرنامج الستات مايعرفوش يكدبوا، المذاع على قناة CBC، وتقدمه الإعلاميتان منى عبد الغني وإيمان عز الدين: «لا يستطيع أحد، أياً كان، أن يقول أنا نمبر وان لأن دائمًا في حد أفضل منك، لازم تحط ده قدامك، ويوم ما تشوف نفسك نمبر وان يبقى انت فاشل، وأفشل الفاشلين».
وأضاف: «نمبر وان الحقيقي هو اللي يعترف للي قدامه إن اللي قدامه نمبر وان، لكن انت ما تقولش على نفسك كده، خليك والناس هي اللي تقول عليك، نجومنا الكبار مين فيهم قال عن نفسه إنه نمبر وان؟ الجمهور هو اللي بيحكم».
وتابع: «ما شفناش الأستاذ عادل إمام بيقول على نفسه حاجة، ولا أم كلثوم، ولا عبد الوهاب، ولا أي حد من النجوم الكبار بيحط نفسه في مكانة معينة، الجمهور هو اللي بيحطهم فيها».
وأشار عبد الرحيم حسن إلى أن وصف الفنان لنفسه بأنه نمبر وان قد يضعه في موضع خلاف مع الجمهور، قائلًا: النمبر وان هو اللي يجتمع عليه الناس كلها، والناس تقول عليه كده وما يختلفش عليه حد. لكن طالما أنا لاقي ناس بتسبني وناس بتعترض على سلوكي أو مظهري أو اللي أنا بعمله، يبقى أنا مش نمبر وان.
تواصل محمد سامي مع عبد الرحيم حسن
وعن مشاركته في مسلسل جعفر العمدة، كشف عبد الرحيم حسن أن الفنان محمد سامي تواصل معه أثناء وجوده في أسوان للمشاركة في العمل، موضحًا: «محمد سامي اتصل بيا وأنا في مهرجان، وقال لي عندي دور، قولي انت فين؟ قلت له أنا في أسوان، وسألني راجع امتى، قلت له بعد بكره، فقال لي تيجي من السفر عليا؟ قلت له الدور إيه؟ قال لي مش هقول لك، تعالى أنا عايزك».
وأضاف: «فعلا نزلت من السفر، ونزلت من المطار بشنطتي وطلعت له، فقال لي الدور جوز سلوى عثمان».
وأوضح أن الشخصية التي قدمها في العمل كانت لرجل حكيم يتجنب الدخول في المشكلات، قائلًا: «هو مش شخص سلبي، لكنه بيتجنب المشاكل لأنه عارف خطورة تدخله، عنده حكمة وبيحاول هو ومراته يبعدوا عن أي قلق ممكن يجي لهم أو يحط نفسه في مشاكل».
واختتم عبد الرحيم حسن حديثه عن كواليس الشخصية قائلًا: «قال لي أول مشهد أنت نايم يا عبد الرحيم وهي هتيجي تصحيك، فعملنا الدور، واكتشفت إن الدور اللي عملته مجاملة لمحمد سامي بقى ترند واتقال فيه كتير جدًا».
وأشار إلى أن تعاونه مع محمد سامي لم يكن الأول، موضحًا: «عملت معاه قبل كده ولد الغلابة، وكان أول مرة أمثل فيها شخصية صعيدية».
