سعد الصغير يعلن وفاة عازف الأورج بلال جعفر
سعد الصغير يعلن وفاة عازف الأورج بلال جعفر
نعى الفنان سعد الصغير، عازف الأورج بلال جعفر، الذي توفى خلال الساعات الماضية، معربًا عن حزنه الشديد لفقدانه، وموجهًا رسالة إلى زملائه الفنانين والعازفين بضرورة الوقوف بجانب أصدقائهم والحفاظ على العِشرة بينهم، مؤكدًا أن الراحل كان في حاجة إلى وجود المقربين منه بجواره.
سعد الصغير ينعي بلال جعفر
وكتب سعد الصغير عبر حسابه على موقع التواصل الاجتماعي: «البقاء لله أخويا المحترم عازف الأورج بلال، إلى رحمة الله. ده اللي كنت بقول لإخواتي الفنانين وكل حد من العازفين يشوفوا الراجل كان محتاج ناس كلها جنبه، بس دلوقتي بقى عند ربنا ومفيش أحسن منه. ياريت الناس تبقى على العِشرة واللي كان ما بينكم في يوم من الأيام».
وأضاف سعد: «أهو راجل راح وكان عايز الكل يبقى معاه، ربنا يرحمك يا بلال، ربنا يرحمك يا حبيبي. بلال كنت لسه معاه من كام يوم وكان فرحان جدًا إني كنت معاه، وأنا مبسوط إني كنت معاك يا بلال، وأول ما كلمتني أنا مقدرش أتأخر عنك».
سعد الصغير يوجه رسالة للفنانين
واختتم سعد الصغير رسالته قائلًا: «صاحب صاحبك في كل شيء مش في المصلحة، وعلشان كده مش هطول عليكم، بس ياريت نعرف إنها مش دايمًا، واللي معاك النهارده بكرة مش موجود. ربنا يديمها علينا جميعًا صحة والبركة والخير كله».
