أحمد موسى: مصر دولة قوية.. والقوات المسلحة جاهزة للدفاع عن سيناء

كتب: محمد عزالدين

أحمد موسى: مصر دولة قوية.. والقوات المسلحة جاهزة للدفاع عن سيناء

أحمد موسى: مصر دولة قوية.. والقوات المسلحة جاهزة للدفاع عن سيناء

استنكر الإعلامي أحمد موسى تصريحات وزير مالية الاحتلال الإسرائيلي بتسلئيل سموتريتش، بشأن سيناء، مؤكدا أن مصر دولة قوية وقواتها المسلحة على أهبة الاستعداد للدفاع عن الوطن.

أحمد موسى يحذر إسرائيل من تداعيات تهديد مصر

وقال الإعلامي أحمد موسى، خلال برنامج «على مسئوليتي » المذاع على قناة صدى البلد، ردا على تصريحات سموتريتش: «إذا تهورت إسرائيل لن يكون هناك كيان إسرائيلي، انتهى الموضوع، أنت بتتكلم عن مصر وعن سيناء، أنت بتتكلم عن حرب».

وأضاف: «ثمن الحرب معروف وقمتم بدفعه فيما قبل.. والـ120 مليون يموتوا عشان بلادهم، إحنا نرد الصاع 10 واللي عملها مرة يقدر يعملها تاني، لو تهورت إسرائيل هتدفع الثمن غالي».

وتابع: «قواتنا المسلحة جاهزة على أهبة الاستعداد للدفاع عن الوطن في كل زمان وتحت أي ظرف، إذا تهور الكيان الصهيوني ستكون نهايته، الطغاة يتحطمون على أرض مصر، وأي مجرم حرب يتطاول على مصر رداً هيكون كده إحنا بلد كبيرة.. وأنت لو تهورت لن تكون هناك إسرائيل، متقدروش تقربوا من شبر من سيناء، واللي حصل في 67 لن يتكرر مرة أخرى مع مصر».

أحمد موسى: مصر دولة قوية وداعية للسلام

وأوضح: «إحنا دعاة سلام ولكن بعض المتطرفين في الكيان الصهيوني مش عايزين سلام، ومصر دولة قوية، مجرم الحرب بيقول هياخد سيناء ده تحرش بينا وتهديد لمصر، درس 73 إحنا عارفين كان شكله إيه معاكم، إحنا رجعناكم بالكستور بعد كده مش هيكون فيه كستور لأن مش هيكون فيه أسرى».