باسم علي: أبلغوني باستبعادي قبل تدريب المنتخب بنصف ساعة
باسم علي: أبلغوني باستبعادي قبل تدريب المنتخب بنصف ساعة
كشف باسم علي، نجم الأهلي السابق كواليس استبعاده من الطاقم المعاون لجهاز منتخب مصر بقيادة علي ماهر قبل انطلاق المران الأول للفراعنة بعد 24 ساعة فقط من تعيينه استعداداً لمواجهتي مالاوي.
باسم علي: شاركت في قائمة منتخب مصر لمباراتي مالاوي
وقال باسم علي في تصريحات تليفزيونية: «أشكر علي ماهر على ثقته فيا إني أكون موجود كأحد أفراد الجهاز الفني لمنتخب مصر، رحت لاتحاد الكرة وبفضل الله تم والمفروض إني موجود في الجهاز الفني لمنتخب مصر، وعقدت أكثر من جلسة مع اتحاد الكرة».
وواصل كاشفاً تفاصيل عمله في القائمة الأخيرة: «شاركت في قائمة منتخب مصر لمباراتي مالاوي، والقائمة من اختيار علي ماهر بالكامل.. ونظمت شغلي اليوم من أجل المعسكر الذي انطلق استعدادا لمباراتي مالاوي».
وحول اللحظة الصادمة لاستبعاده، أوضح: «قبل المران بنصف ساعة، علي ماهر بلغني إني مش هكون موجود عشان الرخصة ومعايير الاتحاد الأفريقي عشان لازم أكون حاصل على الرخصة A».
باسم علي: فوجئت بموضوع الرخصة لحد قبل المران بساعة
تابع: «أنا فوجئت بموضوع الرخصة لحد قبل المران بساعة، ومكنش في حد في اتحاد الكرة اتكلم معايا في القصة دي، والمفروض هاخد الرخصة B بعد شهرين وعشان أخد الرخصة A استنى سنة».
واختتم باسم علي تصريحاته موضحاً موقفه بعد القرار: «لميت شنطتي ومشيت بعد ما علي ماهر بلغني لأن لازم الرخصة تكون موجودة عشان اتحاد الكرة بيرفع على السيستم كل الورق.. أنا اللي زعلني أن تم الإعلان وتواجدت، كان لو من قبل كدة كنت هكون عادي لكن دلوقتي هي مفاجأة مدوية».
