المنسق السابق للمنتخب: محمد صلاح غضب من بيان اتحاد الكرة في أزمة الشناوي وحسام حسن
المنسق السابق للمنتخب: محمد صلاح غضب من بيان اتحاد الكرة في أزمة الشناوي وحسام حسن
قال محمد مراد المنسق الإعلامي السابق لمنتخب مصر، إن محمد صلاح قائد الفراعنة غضب من بيان اتحاد الكرة المصري والذي أصدره لدعم محمد الشناوي عقب تصريحات حسام حسن.
وقال مراد في تصريحات تليفزيونية: محمد صلاح غضب من بيان اتحاد الكرة ضد حسام حسن، وكان يفكر في الرد عبر السوشيال ميديا، لكنه تراجع بعد حل الأزمة. وصلاح قال إن رغم أزمات أرني سلوت في ليفربول، الإدارة كانت بتقف جنبه وتدعمه.
وتابع: الأزمات بدأت خلال رحلة جنوب السودان وزادت بعد مباراة أنجولا، وكان فيه أشخاص بيتمنوا تعثر المنتخب علشان حسام حسن وإبراهيم حسن يمشوا وييجوا ناس تانية مكانهم. واللاعيبة والجهاز الفني كانوا زعلانين من غياب مسؤولي اتحاد الكرة عن التدريبات، وده سبب عدم السلام على خالد الدرندلي، واللاعيبة قالوا: «لما تكسب يدعمونا، غير كده مش بنشوف أي دعم».
وأكمل: خالد الدرندلي تسبب في أزمة ملهاش لازمة، وكان المفروض يتعامل مع الموقف باعتباره رئيس البعثة. وهو زعل مني علشان اسمه وصورته مظهروش في خبر وصول المنتخب، رغم إنه كان موجود، لكن دي الصيغة المعتادة عندنا، ومش فاهم ليه الموضوع اتفتح تاني واتعملت منه أزمة.