بوسترات المرشحين بـ«الكيلو»: رنجة وفسيخ وسندويتشات فول

11:52 م | الخميس 19 نوفمبر 2015

امتلاء شوارع المنصورة بصور المرشحين، لم يجعل هناك مكاناً لمزيد من «البوسترات» الدعائية، التى يجوب بها مندوبو المرشحين، الأمر الذى جعل بعضهم يبيعها سراً لأصحاب محال الفول والطعمية والفسيخ وكذلك الجزارون، للخلاص منها وإثبات أنهم قاموا بتوزيعها على الناخبين.

«الواد من دول بيكبر دماغه بدل ما يقف يوزع على المواطنين، يروح يبيع البوسترات اللى معاه وأهو يسترزق من وراها بدل اللف فى الشوارع على الفاضى»، قالها محمد إبراهيم، صاحب محل فسيخ بشارع المحطة بميدان المنصورة، متعجباً من النفقات الباهظة التى يدفعها المرشحون لتعليق دعاية لا يهتم المواطنون بأمرها: «الناس داخلة عارفة هتنتخب مين مش عارف بيوجعوا دماغهم بدعاية على الفاضى ليه؟».

{long_qoute_1}

لم يكن بائع الفسيخ، هو المستفيد الوحيد من ورق الدعاية الانتخابية، بل جاره زكى السقا، بائع الفول والطعمية، الذى اشترى كميات كبيرة من ورق الدعاية، لرخص ثمنها مقارنة بورق الجرائد والورق الأبيض، اشترى «السقا» أوراق دعاية لـ4 مرشحين حاليين لتخزينها، فهو وغيره من الباعة يعتبرونها فرصة لا تتكرر كثيراً: «العيال بيروحوا المقار الانتخابية ياخدوا ورق يوزعوه ويرجعوا يقلولهم إحنا وزعناه وهما أصلاً باعوه وحطوا فلوسه فى جيبهم، ده غير حق التوزيع اللى بياخدوا من الحملات نفسها».

اللافتات الضخمة التى يضعها المرشحون بعرض الطريق وعلى واجهات العقارات، لم تسلم هى الأخرى من المستفيدين، فالبعض يخرج فى الساعات الأولى من الليل لاقتناصها، ليأخذها ستاراً لحماية محله أو كشكه من مياه الأمطار: «الدنيا لما بتمطر بنجرى نجيب اللافتة ونعلقها بحبلين تحمينا وتحمى زباينا، يلّا هما مش بيقولوا أهم حاجة خدمة المواطن، والله هما بيخدمونا بدعايتهم ربنا يزودها كمان وكمان».