3 نساء يشاركن في انتخابات الإسماعيلية: "حب البلد خلانا ننزل.. وعارفين هنختار مين"
3 نساء يشاركن في انتخابات الإسماعيلية: "حب البلد خلانا ننزل.. وعارفين هنختار مين"
إحنا الثلاثة،جينا ننتخب الرجالة الشغالة والف تحية للى نزل يشارك برلمانه.
حرص عدد كبير من سيدات الإسماعيلية، على المشاركة بكثافة في الانتخابات البرلمانية، لكن من المشاهد التي أثرت بحضورها في المشهد الانتخابي بالمحافظة، هو خروج السيدات في تجمعات نسائية، وكان مشهد "نعمات جميل محمد"، و"ثناء ياسين"، و"لطيفة إسماعيل" هو الأبرز.
نعمات جميل محمد، (65 عامًا)، قالت إنها جاءت للانتخاب بإرادتها، مضيفة: "فيه ضغوط من مرشحين عشان خاطر الفوز بالكرسي، لكن حب البلد مش بس يخليك تنزل تنتخب، يخليك تنزل وأنت عارف كويس هتختار مين وبعناية وبصدق ده ضميرك أنت".
ثناء ياسين (55 عامًا)، قررت النزول للانتخابات من أجل الوطن، وللوقوف ضد المؤامرات التي تواجه مصر من الخارج، بقولها: "لازم ننزل ونبني مؤسسات البلد.. المجلس ده إحنا اللي هنجيبه عشان يجيب حق المواطن وحق البلد".
أما لطيفة إسماعيل، (ربة منزل)، أكدت أن الانتخابات والمشاركة في الاختيار أحسن وأفضل مسؤولية تحس بها المرأة في البلد، مضيفة: "الوطن قايم على مجهود ودراع الست المصرية، وهنتخب اللي شيفاه كويس ونضيف وعاقل وبيحب البلد بصحيح".