«الفرارجى» المنحوس: الجيران «إخوان».. و«كل يوم مسيرة»

09:41 م | الخميس 17 ديسمبر 2015

آثار مخلفات مسيرات الإخوان أمام محل «أكل عيشه» بمنطقة المطرية، يقف أمامها «مدحت الفرارجى»، حيث يجمع لافتات وشارات متناثرة عن يمينه ويساره، بعد مرور المسيرة المحدودة التى اعتاد عليها بصورة شبه يومية بالشارع نفسه عقب الانتهاء من صلاة العصر، برغم محدودية المسيرة وضعف تأثيرها، فإنها تؤثر سلباً على حال الشاب الثلاثينى، وتتسبب فى «تطفيش» زبائنه.

{long_qoute_1}

معاناة اعتاد عليها «مدحت»، فى أحد شوارع المطرية، الذى أصبح مرتبطاً بالإخوان ومسيراتهم، حتى بعد هدوء الأوضاع فى الحى الذى طالما شهد أعمال عنف واسعة: «محل الفراخ بتاعى هو اللى فاتح بيتى بعد ما ورثته عن أبويا، والجيران هما هما متغيروش، بس كان الأول محدش يجرؤ يقول إنه إخوان، لكن دلوقتى من ساعة الاعتصام اللى كانوا عايزين يعملوه فى ميدان المطرية طلعوا علينا، ورغم سيطرة الأمن إلا أن المسيرات فى الشارع المنكوب لا تتوقف أبداً»، يعتبر الشاب مسيرات الإخوان بشارعه «حلاوة روح»، لم تتعد شمروخاً أو لافتة وهتافاً، لكن كل ما يؤرق حياته مخلفاتهم، التى يلقونها فى الشارع، يزيد عليها وقف الحال بسبب أن معظم ما يسكن بشارعه إخوان، «اكتشفت بعد ثورة 30 يونيو أن معظم اللى فى الشارع إخوان مش إخوان بس بيحترموهم».

عروض وتخفيضات علقها «مدحت» على محله، لجلب الزبائن بعد السمعة السيئة، التى ابتلى بها شارعه، لكن محاولاته ذهبت دون جدوى، فيقول: «ربنا ينتقم منهم، الشارع اللى فيه محلى الناس فى المنطقة هجروه عشان عارفين إن اللى ساكن فيه معظمهم إخوان، وقليل أوى لما ألاقى حد اشترى منى، وعلقت الأسعار بالتخفيضات اللى عملتها على الفراخ، والشيش طاووق، والبانيه، ونزلت فيهم جنيه عن أسعار السوق، وبرضه الحركة على المحل نايمة خالص»، معاناة «مدحت» من قلة الزبائن لا تختلف كثيراً عن معاناته أمام مخلفات الإخوان بعد المسيرة، التى تتجمع أغلبها أمام محله.