«كبدة فاسدة» تجتاح الإسكندرية.. والكيلو بـ«10 جنيه»
كميات من الكبدة الفاسدة بالإسكندرية
طوابير من الغلابة اصطفت ليفوز كل منهم بما يستطيع من «الكبدة والكلاوى»، المجنونة، لم يصدقوا أعينهم، فالكبدة التى تباع بأكثر من 80 جنيهاً للكيلو، معروضة أمامهم فى سوق الشهداء بمحطة مصر، أكبر وأهم سوق فى محافظة الإسكندرية، بـ10 جنيهات للكيلو، والكلاوى بـ5 جنيهات.
«إحنا مش بناكل الحاجات دى غير كل عيد مرة لما حد يمنّ علينا بيها، حتى لو كانت فاسدة هتتعمل بزيت نضيف وتتغسل كويس»، هكذا قال بعض المشترين الغلابة، ما دفع مديرية الصحة لتشكيل حملة تفتيشية لفحص هذه المأكولات ومعرفة مدى مطابقتها للاشتراطات الصحية.
«لما شفنا سعر الكبدة ماصدقناش، رحنا اشترينا على طول، عشان إحنا مش بناكل الحاجات دى غير كل عيد مرة لما حد يمن علينا بيها»، هذا ما عبر عنه عبدالوهاب فاضل، أحد أهالى الإسكندرية، من ذهوله بالسعر: «بنشترى واحنا عارفين بنسبة كبيرة أنها ملوثة، بس هنعمل إيه لازم ناكل إحنا وعيالنا بدل ما نموت من الجوع.. فحتى لو كانت هذه الكبدة صومالى أو هندى أو صينى لازم نشترى»، كما يؤكد
فاروق صبرى، أحد الأهالى: «إحنا مش بناكل الحاجات دى، طبعاً لازم نشترى طالما بالسعر ده، مش الدولة هى اللى سمحت ببيع الكبدة دى يبقى أكيد كويسة».
أحمد سلامة، عضو حزب التجمع بالمحافظة، طالب مسئولى مديرية الشئون الصحية بشن حملة مكبرة على محال الأطعمة الجاهزة فى نطاق منطقة محطة مصر ومحرم بك، للتأكد من الكبدة التى تباع للمواطنين، إذ من المحتمل أن تكون منتهية الصلاحية، خصوصاً فى ظل ارتفاع معدلات الغش التجارى واستغلال التجار وجشعهم.
الدكتور مجدى حجازى، وكيل وزارة الصحة بالإسكندرية، أكد أن إدارة مراقبة الأغذية بالمديرية تمكنت من إعدام كميات كبيرة من الكبدة منتهية الصلاحية، وتحرير محاضر جنح للباعة فى سوق الشهداء بمحطة مصر، مشيراً إلى أنه كلف بتشكيل حملة أخرى على السوق نفسه.