النائب الأسبق للدرب الأحمر: كانوا مسمّيني نائب الرصيف

02:37 م | الثلاثاء 01 مارس 2016

أمام مصنعه المختص بإنتاج الرخام والجرانيت، جلس رجل في العقد السابع، عرّف نفسه إلى "الوطن" متباهيًا، بأنّه "النائب العام للدرب الأحمر من سنة 1995 بإجمالي 3 دورات انتخابية، أنا نائب الرصيف".

يعيش النائب السابق لمنطقة الدرب الأحمر أحمد سالم، وسط أهل منطقته وبجوار مصنعه، لم يدخل في انتخابات برلمانية منذ الإطاحة بالرئيس الأسبق حسني مبارك: "أنا مكنتش بدفع لمواطن جنيه، ولما لاقيت الانتخابات اللي فاتت فيها هات وخد مدخلتش علشان أنا مابخدش من حد حاجة أدفع ليه".

{long_qoute_1}

يضيف سالم الملقب بـ"نائب الرصيف"، أنّه أثناء وجوده في البرلمان لم تجرؤ حملات البلدية على دخول المنطقة ورفع الإشغالات الخاصة بالعمال والمحلات الموجودة في المنطقة، موضحًا أنّه نجح في الحصول على تراخيص لجميع محلات الدرب الأحمر لمزاولة المهنة والتجديد الخاص بتلك التراخيص "البلدية كانت بتمشي من شارع تاني بعيد عن الدرب الأحمر وماكنش فيه حد يقدر يقرب من بياع أو غيره، وكان ممنوع أي حد من الحكومة يخش المنطقة".

يقول إنّه لم يسع يومًا للحصول على وظيفة لأحد من أبنائه: "أنا وظّفت ناس كتير ماعدا ولادي"، موضحًا أنّه وأثناء وجوده في البرلمان لم يحمل أحد من أهل المنطقة عبئًا معيشيًا أو أوراق خاصة للعمل: "ماكنش فيه حد من أهل المنطقة بيحمل هم، وأنا كنت بشتغل لوجه الله وماكنتش بحب الجنيه أو غيره".

يؤكد سالم أنّ النائب الحالي لمنطقة الدرب الأحمر لا يعلم أي شيء عن ما حدث من مقتل الشاب "دربكة" على يد أمين شرطة: "النائب الحالي معملش حاجة لأهل المنطقة ولا سأل في حد ولا يعرف حاجة عن أهلها ولا مشاكل الضرائب، وما يعرفش حاجة عن المنطقة أو أهلها".

"الضرائب والتأمينات بقت مركزة جدًا مع الصنايعية، وخلوهم يكرهوا صنعتهم وده اللي خلى الناس تعبانة ومش عايزة تشتغل" كلمات أوضح بها نائب الدرب الأحمر الأسبق مشكلة أهالي منطقته، مضيفًا "المنطقة دي محتاجة تدعيم وأنت بدل ما بتيجي تدعمني كحكومة بتيجي تاخد مني فلوس أكتر من طاقتي علشان تقرفني"، مؤكدًا "الموظف المحترم بيدورله على سفرية أو شغلانة تانية بره الحكومة لأنه حس أن شغل الحكومة هيكون حرام".

يشير سالم إلى ضرورة الاهتمام بأصحاب الحرف في احتياجاتهم ومشاكلهم قبل مطالبتهم بالتأمينات والأموال الخاصة للدولة "لازم الدولة تبص على الحرفي الأول واحتياجاته ومشاكله، ده حتى مشاكل الخامات محدش بيسأل عنها"، موضحًا "إحنا عايزين نائب يشتغل ويفكر في احتياجات الناس، إحنا محتاجين وقفة من مكتب القوى العاملة علشان لو واحد مابيشتغلش بـ10 جنيه في اليوم بيلاقي عليه 10 آلاف جنيه ضرائب في الشهر".