إحيا
العيش ده بيوحّد بشر
والعيشة بتوحّد قلوب
يا عم وحّد ربنا
الدنيا مش عدّاد ذنوب
دى كف شقّق بالبنا
أو صوت بينشد فى الغروب
أو بنت حلوة بضيّها
لو شفتها قلبك يدوب
إحيا فى دنيا زيّنا
فيها العقول متزينة
والبهجة حاجة ممكنة
والمتعة فيها فرض عين
ربك فى خلقه للحياة
خلاها تسبق أى دين
بغلط ومش خايف الغلط
وعقلى مش هستعبده
الدنيا مش تفصيل ولا
كتالوج إيديك بتحدده
ياللى انتو بتحبوا الحياة
إياكو يوم تتهددوا
وافرد جناحك للأمل
واحلم ببكره تنشده
