مصعبها على نفسك
وهى حقيقى مش سهلة
لكن برضه إذا فكرت فى الدنيا
مفيش ولا حاجة مستاهلة
فهات لى معاك إذا جيت لى حاجات حلوة..
وبونبونى..
وبالونة طفولية..
كيانها مملى بالهيليوم
لكن قادرة إذا فكيت أساورها..
وقبضة إيدك الناشفة
تطير للشمس
عينيك عاجزة تجاريها
ما هو رحب السما ملهوش حدود واضحة
نَفَس داخل
لإما يقيده صدرك
لإما يسلم المفاتيح
ويصبح ضلفة من شباك
تشوف ورا منها نور الصبح..
سراب بالونتك الطايرة
وهى واقفة فى مكانها
ما بين أمثالها م البلالين