قصاقيص شعرية
قصاقيص شعرية
- الكائنات الحية
- عصر الثورة الصناعية
- مارك زوكربيرج.
- أبطال
- أحلام
- أديسون
- الكائنات الحية
- عصر الثورة الصناعية
- مارك زوكربيرج.
- أبطال
- أحلام
- أديسون
- الكائنات الحية
- عصر الثورة الصناعية
- مارك زوكربيرج.
- أبطال
- أحلام
- أديسون
- الكائنات الحية
- عصر الثورة الصناعية
- مارك زوكربيرج.
- أبطال
- أحلام
- أديسون
معظم الناس بتخاف تحلم لَيطلع الحلم مش حقيقة، وبتطبق المقولة اللى بنسمعها «احلم على قدك»، بس هو مين قال إن الحلم أصلاً حقيقة؟ الحلم موجود علشان يبقى بداية تغيير للحقيقة والواقع اللى بنعيشه ولو فضلنا نحلم على قدنا كان زمانا لسه فى عصر الثورة الصناعية بدلاً من الثورة التكنولوجية وبقى التواصل سهل بين الأشخاص فى الدول المختلفة وكانت الفكرة دى مستحيلة للأشخاص اللى قبلنا زى عباس بن فرناس اللى اتهموه بالجنون لما حاول الطيران مع إن محاولته دى كانت الدافع لاختراع الطائرة.
التاريخ بيذكر بس اللى عيشونا فى أحلامهم اللى بقت واقعنا زى توماس أديسون ومارك زوكربيرج.
وفى الآخر بقول لك 3 جمل: احلم، اعمل، استمتع ببصمتك وإنجازاتك فى الحياة بإذن الله.
الطائر الحزين
مين قال إن الطير دايماً سعيد؟
دا أكيد كلام واحد شايفه من بعيد
مشافش الحزن والدموع اللى فى عينيه
كل اللى همه إزاى بيطير بجناحيه
بيقول ياريتنى كنت بعرف أطير
كان زمانى بتنقل من مكان لمكان زى أبطال الأساطير
ومفكرش إنه ممكن يطير خايف لصياد ياخده أسير
كان واقف بيسمع صوت الطائر الرقيق
ومخطرش فى باله إنه بينعى أب أو صديق
ممكن يكون من غير مأوى شريد
تايه فى الدنيا بيطير وحيد
يمكن تعبان من حال كل الأوطان
بيطير لأيام يمكن يلاقى فى أى وطن سلام.
حكاية بحر
سألت البحر إزاى الحال؟
قالى همومى تهد جبال
جات لى واحدة بتصرخ بتقول لى قتلت لى حبيب
حرمتنى منه ليه دا كان فرحنا قريب
قلت لها أنا ياما شلته وكنت سبب فرحه
وعمرى ما فكرت فى يوم أبقى سبب جرحه
أنا عمرى ما كنت غدار أنا كاتم الأسرار
كان صياد بياخد رزقه منى ومع ذلك عمره ما شكرنى
دمر فيّا.. لوث المياه وموت الكائنات الحية
يبقى الغدر طبع مين طبع اللى مخلوق من طين
اللى أساء ليّا سنين وفى الآخر حبيبته بتقول عليه مسكين
