نجار مسلح بـ«بكالوريوس»

08:36 م | الاثنين 29 أغسطس 2016

يبدو أكبر من عمره، الشمس زادته اسمراراً، وكثرة العمل زادته نحافة، لكنه يقاوم بالصبر. يتحمّل «أحمد كامل» مصاعب كثيرة بسبب أولاده، ينسى أنه حاصل على بكالوريوس تجارة من جامعة عين شمس، ويعمل نجار مسلح، العمل المتواصل للحصول على أجر يُنسيه التفكير فى أى شىء، يبدأ عمله فى الثامنة صباحاً وحتى آخر النهار، يعود إلى منزله ومعه يومية تكفيه بالكاد هو وأولاده.

منذ وصل عمره إلى الـ35 عاماً، توقفت أحلامه، أصبح يحلم لأولاده فقط: «بالنسبة لى خلاص الزمن عدّى، مش هيرجع تانى، والأمانى عدّت، دلوقتى ماباتمناش غير كل حاجة حلوة لعيالى، يشوفوا فى دنيتهم أحسن من اللى أنا شفته، أما لنفسى مفيش أمنية، الدنيا نستنى نفسى».

بعد الجامعة، تمنّى «أحمد» أن يعمل فى مجال دراسته، بحث كثيراً عن عمل، لكنه لم يجد غير مهنته الحالية: «أمر ربنا، هو اللى مصبّرنى على الشغل، وبيقوينى، عايشين بفضل الله، بس خايف لما أكبر ماتحملش الشقا ده».