كله ممنوع فى «أبوحماد» إلا المرض: «ببلاش»

09:14 م | الجمعة 09 سبتمبر 2016

كوبرى خشبى متهالك يمر من عليه الأهالى بحذر، خوفاً من وقوعهم على مصرف للمجارى لا يجف، شوارع تحاوطها القمامة من كل اتجاه، لا كهرباء ولا مياه ولا مستشفى أو مدرسة واحدة، واقع غير آدمى يعيشه أهالى قرية أبوحماد بالجيزة، فهناك كل شىء يؤدى إلى الموت.

{long_qoute_1}

عمل جماعى مستمر منذ 15 عاماً، جهود وتبرّعات ذاتية لم يدّخرها أهالى «قرية الموت» كما أطلق عليها الأهالى، أملاً فى حل المعاناة التى يواجهونها، شكاوى ومناشدات كثيرة تقدّموا بها إلى الحكومة والمسئولين، لكن دون جدوى، لتستمر قريتهم بلا خدمات توفر لهم الحد الأدنى من الحياة: «العزبة فى حاجة إلى الاهتمام، لا مسئول يبص علينا ولا حد دارى بينا»، كلمات خرجت على لسان «محمد شيحة»، أحد أهالى العزبة، الذى أكد أنه يخشى على أولاده الموت فى أى لحظة: «بقالنا سنين بنسرق النور من القرى اللى جنبنا، ده غير الميه اللى مش نضيفة عندنا، والزبالة اللى فى كل مكان، ومفيش أى دوريات لعربيات نضافة بتدخل عندنا، والصرف اللى ضارب طول الوقت فى الشوارع لحد ما جاب لينا الأمراض». الرجل الستينى أشار إلى أنه تقدّم بشكاوى وقّع عليها عدد من الأهالى، إلى المجلس المحلى لمركز الصفت والشركة القابضة لمياه الشرب والصرف الصحى، لكن بلا جدوى: «ماسكتناش لحد هنا، إحنا كمان اشتكينا للمهندس إبراهيم محلب وقت ما كان رئيس الوزراء، خلينا واحد ابن حلال بعتلنا فاكس على مجلس الوزراء، ومفيش أى زيارة ولا استجابة من يومها، وحالنا يصعب على الكافر».

الأسباب المؤدية إلى الموت كثيرة، أهمها بحيرة الصرف الصحى التى تتجمّع على ضفافها كميات طائلة من القمامة تنبشها الحيوانات الضالة، عبدالعزيز محمد، رئيس مجلس المدينة، أكد أن أوضاع عزبة أبوحماد متدهورة بالفعل، لكنها ضمن 9 قرى أخرى انتهت المحافظة من خطط تطويرها، مضيفاً: «توجد أولويات للقرى والعزب علشان يدخل فيها خدمات تكفى أعداد الأهالى، وحالياً شغالين فى أكتر من مكان».