الباعة الجائلون يتبرأون من الاشتباكات والعنف بـ4 لافتات: مش إحنا

لإعلان رفضهم للأحداث والاشتباكات الدائرة بين الشرطة والمتظاهرين، ولتبرئة ساحتهم من المشاركة فيها، أعلن اتحاد الباعة الجائلين موقفهم من خلال 4 لافتات علقوها فى رمسيس وعدد من الميادين الرئيسية أرسلوا من خلالها رسالة واحدة مفادها «لسنا مع طرف دون الآخر.. نعم للمظاهرات السلمية.. يلاّ نبنى مصر». لجأ الباعة لهذا الحل بعد أن أصبحوا فى «مرمى الجميع» حسب تأكيد أحمد حسين، نقيب النقابة المستقلة للباعة: «إحنا بقينا فى النص شوية يتهمونا إننا ضد الثوار وشوية يقولوا لنا إننا ضد الإخوان.. مفيش حد بيفكر فينا ورسالتنا للكل إننا بنفكر لصالحنا زى ما هما بيفكروا لمصالحهم». «البائع المتجول الدولة ظالماه والشعب ظالمه محدش عارف إننا والله بنحب البلد دى وعايزينها تبقى أحسن بلد فى الدنيا» يصف نقيب الباعة الجائلين حال زملائه متذكراً عمر صلاح البائع الذى قُتل غدراً برصاص الأمن فى وسط البلد، يرى النقيب القادم أسوأ إذا لم يعرف الجميع أن قوتنا فى عددنا وأن البائع المتجول إنسان وطنى بس كل مشكلته إنه مش لاقى حل تانى قدامه. «لا للعنف.. لا للتخريب» رسالة واضحة لكل من يدّعى على الباعة المتجولين أنهم السبب فيما يحدث من عنف فى الميادين، كما يؤكد نقيبهم «إحنا مالناش مصلحة فى العنف ده لأننا أول ناس بننضر ومعظم اللى فى ميدان التحرير من البائعين هما اللى بيتقبض عليهم أول ما الشرطة بتدخل.. إحنا ناسنا عايزة تاكل عيش مش عايزة تدمير ولا أذية ولو كان حيلتهم حاجة تانية كانوا عملوها».