أطفال الشروق يزرعون «إطارات السيارات»: «عايزينها تبقى خضرا»
الطفل «كرم» وأصدقاؤه يزينون إطارات السيارات القديمة
بأياديهم الصغيرة، يحملون الريشة وبذور الريحان والورد، لتزيين وزرع إطارات السيارات القديمة والمتهالكة، واستخدامها فى تجميل شوارع مدينة الشروق، التى تكسوها الرمال الصفراء.
«محمد، كرم، تامر، نوفا، سيلين»، 5 أطفال لا تزيد أعمارهم على 9 سنوات، اختاروا ألوانهم بعناية، وأيضاً البذور والزرع وتنسيق أشكال مختلفة منها بمساعدة الأهل، بحسب كرم صديق، أحد الأطفال المشاركين فى تلوين إطارات السيارات القديمة، وصاحب الفكرة: «الشوارع عندنا شبه الصحراء، ومفيش زرع كفاية ولا مساحات خضراء وأكترها رمل، ففكرنا نجمع الكاوتشات القديمة ونعيد تدويرها عشان نستفيد بيها». الفكرة التى اقترحها الطفل الذى لم يكمل عامه الثامن، حازت إعجاب عائلته، ومنها انتقلت إلى جيرانه فى مثل عمره وأصدقائه فى النادى: «بابا وماما فرحوا بفكرتى جداً وقرروا يساعدونى. «إعادة تدوير أى حاجة قديمة» أصبحت عادة لدى الطفل «كرم» بحسب والدته، التى تقول: «من وهوّ عنده 5 سنين ماكانش يرمى اللعبة اللى تتكسر أو تبوظ، كان يحافظ عليها وألاقيه يعمل بيها أى حاجة تانى، مرة عمل ليا شماعة من بواقى كرتونة اللبن اللى بجيبه فى البيت، ودايماً يعيد تدوير أى حاجة مش شغالة فى شىء تانى مفيد».