مطلوب شباب: تطوعوا لتلوين «لوحة»

10:33 م | الاثنين 24 أكتوبر 2016

«مطلوب متطوعون للتلوين على حيطان قسم الأورام»، دعوة توجه بها فريق I CanCer vive بكلية الطب جامعة الإسكندرية للمهتمين، من أجل استكمال أعمال تطوير قسم أورام الأطفال فى المستشفى الميرى التابع لجامعة الإسكندرية، دعوة للتبرع ذهبت بعيداً عن المال والوقت والمجهود وجاءت هذه المرة بأمر مبهج ومحبب للغاية هو «التلوين» ولكن بشرط الإجادة والخبرة.

اللوحة المطلوب تلوينها عبارة عن غابة لحيوانات سعيدة تحمل بأيديها هدايا يتجه كل منها إلى واحدة من غرف الأطفال، «بيان العطار»، طالبة الفنون الجميلة وعضو الفريق الخيرى، خصصت وقتها لاختيار المناسبين من أجل المهمة، فوجئت بردود الفعل «ناس من القاهرة طلبت تيجى تساعدنا، وكلمونى دكاترة من فنون جميلة فى محافظة الإسكندرية وعدونى إنهم هيفضوا نفسهم وهييجوا». كان من أبرز المتطوعين شابة مصابة بالسرطان تدرس فى كلية الفنون الجميلة: «كانت عاوزة تشارك وقالت لى إنها عاوزة تفرح الولاد، لأنها حاسة باللى همَّا فيه». الفريق الشبابى يحاول دعم الأطفال المرضى بأكثر من شكل: «أول هدف لينا دعم الأدوية عشان نسد العجز لو حصل، عندنا اتصال بالمستشفى على مدار السنة وبنحاول نجيبها، وشغالين على الدعم النفسى من خلال الزيارات والحفلات وقدرنا نحقق أحلام 170 طفل لحد دلوقتى بنجيب اللى همّا عاوزينه، سواء لعبة أو عربية أو موبايل أو تابلت أو لو عاوزين يروحوا مكان».