تنظيم المرور مش محتاج عسكرى ممكن سايس أو كارتة أو سواق

08:18 م | الخميس 09 مارس 2017

فى مساحة لا تتعدى 200 متر مربع، وبين 4 اتجاهات تعتبر كلها رئيسية، يقف لتنظيم الخروج من مدينة شبرا الخيمة إلى ما جاورها من مناطق، عمله فى الكارتة قرابة 20 عاماً، منحه تلك الخبرة التى جعلته المنقذ فى أوقات الذروة، فما إن تنغلق المحاور المرورية وتتكدس السيارات، حتى يظهر محمد بوكس، كما يلقبه الأهالى مطلقاً صفارته منظماً المرور بالمنطقة.

{long_qoute_1}

فى وقت الذروة، لا مجال للنقاش، الكل يمتثل لحركة يد وصافرة البوكس، الذى يمارس مهمته بصورة تطوعية «الطريق لما بيقف الناس بتصعب علىّ، ممكن يقعدوا بالساعة واقفين رغم إن الطريق كله 10 دقايق، وللأسف دى منطقة محورية للى رايح ميدان المؤسسة أو اللى حابب يطلع عرابى أو الفرنوانى أو حتى الدائرى»، البوكس ليس جديداً على المهمة، من فرط ممارسته لها، يؤكد أنه ساهم فى حل إحدى المشاكل المرورية من قبل حين طلب منه محافظ القليوبية الأسبق رأيه، وتم تطبيق نصيحته «إحنا زى عساكر المرور بس مش بشكل رسمى».

القاعدة «العجل ما يقفش»، وفى سبيلها، يتحول سائق الميكروباص هو الآخر لعسكرى مرور فى كثير من الأحيان، خاصة مع حالات الزحام المتزايدة فى أوقات الذروة، وهو ما يفعله محمد عبدالمعبود وزملاؤه «أول ما الطريق بيقفل، لازم أساهم فى تحريكه، ممكن طريق بيتاخد فى 10 دقايق ناخده فى ساعة، وإحنا أكتر ناس مصلحتنا الطريق يبقى ماشى عشان نعمل أكتر من فردة على الطريق» يقاطعه يس سلامة، سايس بالقرب من التقاطع الشهير، معظّماً دور السايس فى حل أزمة المرور، حال توقف الطريق «طب واحنا يا عم ما لناش دور، ربنا عالم إننا بنقضى نص اليوم تركين، والنص التانى فض خناقات وتسيير طرق».