انتعاش بيزنس «المراجعات النهائية»: لوحدك ولا فى مجموعة؟
طالبات فى مركز دروس خصوصية
بدأت امتحانات سنوات النقل فى المرحلتين الابتدائية والإعدادية، وبدأ معها بيزنس «المراجعة النهائية» فى مراكز الدروس الخصوصية، التى ارتفعت أسعارها تماشياً مع ارتفاع الأسعار المتواصل منذ الأزمة الاقتصادية، وتتراوح الحصة الواحدة بين 50 و200 جنيه حسب المنطقة الجغرافية والمرحلة الدراسية والكثافة الطلابية داخل الحصة، ففى حال وجود الطالب ضمن مجموعة كبيرة فى «سنتر» تكون الحصة مقابل 50 جنيهاً ترتفع إلى 200 جنيه عندما يكون الطالب بمفرده.
«داليا»: مضطرة أدى دروس لأن المنهج طويل.. و«آية»: الحصة فى المركز بـ50 جنيه وفى البيت ممكن توصل لـ200.. و«دينا»: بعد ارتفاع الأسعار مبقتش أقدر آخد دروس فى البيت
لا تزال مراكز الدروس الخصوصية هى الملجأ لأولياء الأمور، باعتبارها المعين لهم من حشو الدروس وطول المناهج التى يصعب معها الاكتفاء بالمدرسة، داليا مصطفى، ولية أمر طالب فى الصف الثانى الإعدادى بدأت مرحلة الدروس فى مرحلة دراسية مبكرة بسبب صعوبة المناهج، لكنها تعانى من العبء المادى الذى تكلفه الدروس: «المشكلة عندى أن عدد الحصص كتير وكل المدرسين بتكثف الحصص، خصوصاً قبل الامتحانات، غير الشيتات والملازم اللى فيها المراجعة النهائية وده طبعاً عبء علينا»، وحسب «داليا»، فإن الحصة الواحدة فى السنتر بـ60 جنيهاً: «المشكلة إن المادة الواحدة بيقسموها نصين عشان ياخدوا الفلوس مرتين، يعنى مثلا الجبر لوحده والهندسة لوحدها»، الأمر الذى يثير غضبها: «أنا عندى 3 أولاد كل واحد عايز دروس، بس بضطر موديهمش كل الحصص».
وحسب آية سيد، 18 عاماً، الطالبة بالصف الثالث الثانوى شعبة علمى علوم: «سعر الحصة بيختلف على حسب المادة، لكن العربى والإنجليزى بـ 50 جنيه جوه السنتر مع نحو 200 طالب»، تضطر «آية» إلى اللجوء إلى المراكز الخاصة، نظراً لارتفاع أسعار الدروس الخصوصية داخل المنزل:
«طبعا لو جالى المدرس فى البيت هيبقى أكتر من 150 جنيه، مرة مكنتش فاهمة درس فى الكيميا وطلبت مدرس لوحدى قال لى 200 جنيه لو لوحدك ولو معاكى 3 أو 4 هيبقى 150 جنيه ومخدتهاش». اعتادت دنيا عادل، 18 عاماً بالصف الثالث الثانوى، أن تتلقى دروسها الخصوصية كلها بالمنزل، لكن ارتفاع أسعار الدروس جعلها تلجأ إلى المراكز الخاصة، لأن سعرها أقل: «عشان أنا ساكنة فى الزاوية، الدروس أرخص شوية، الحصة العادية بـ25 جنيه، والمراجعة بـ35 جنيه.. بس لما بطلع بره المنطقة بتوصل الحصة لـ100 جنيه فى الحدايق ومدينة نصر»، كما أنها تدفع داخل المركز الذى تتلقى به دروسها 45 جنيهاً فى أول الشهر، بالإضافة إلى 40 جنيهاً أثناء حضورها الحصص.