درس خصوصى بـ«بلاش» لأبناء حلوان والمجاورين لها: هجوووم
محمود
فى لفتة إنسانية تعكس اهتمامه بالطلاب غير القادرين، خصوصاً بعد غلاء أسعار الدروس الخصوصية، قرّر شاب أن يستفيد من مهاراته ودراسته الجامعية فى أن يعطى حصصاً بالمجان فى اللغة الإنجليزية لغير القادرين مادياً داخل نطاق القاهرة والجيزة: «أنا مش مدرس، بس قوى فى اللغة، وقررت أساعد باللى أقدر عليه».
خطرت فكرة ببال محمود عبدالمعبود صاحب الـ23 عاماً، خريج كلية الآداب قسم اللغة الإنجليزية، وهى أن يساعد أهالى منطقته «حلوان» فى تبسيط اللغة الإنجليزية لأبنائهم بالمجان: «سمعت من الجيران أن أسعار الدروس وصلت إلى 100 جنيه للحصة، الموضوع استفزنى جداً، لأن كده التكلفة فى الشهر للمادة الواحدة ممكن توصل لـ400 جنيه، بما يعادل تلت مرتب شخص محدود الدخل، ده لو عنده طفل واحد».
ورغم بُعد مجال عمله عن دراسته، فإن «محمود» لم يتردّد فى أخذ قراره والسعى فى محاولة خلق وقت كافٍ، وعمل خطة مناسبة للقيام بهذه الفكرة: «أنا مستعد أساعد أى طالب فى أى مرحلة، لكنى مهتم أكتر بطلاب ابتدائى».
بعد دقائق قليلة من نشر «محمود» لمنشور على صفحته على موقع التواصل الاجتماعى «فيس بوك» يعلن فيه عن استقبال الطلاب بالمجان، وجد تفاعلاً كبيراً مع الفكرة التى شجعه الكثير من الشباب عليها، وقرروا تكرارها فى محافظات أخرى للاستفادة منها على نطاق أوسع: «عملت أبلكيشن على الإنترنت تقدر الناس تسجل وتحجز عليه علشان مايكونش الموضوع محرج بالنسبة لهم، وهابدأ فى التنفيذ أول ما أجمع العدد الكافى، وأنا ممكن أروح لكذا طالب فى أى مكان داخل القاهرة، لو حلوان بعيدة عليهم».