«محمد» زرع حديقة منزله بكاوتش ومشمع: «كلفتنى 30 جنيه بس»
«محمد» زرع حديقة منزله بكاوتش ومشمع: «كلفتنى 30 جنيه بس»
- أقل التكاليف
- ذات يوم
- ساعات طويلة
- أتربة
- أسبوع
- أشكال
- أقل التكاليف
- ذات يوم
- ساعات طويلة
- أتربة
- أسبوع
- أشكال
باله كان مشغولاً دائماً بتجميل وإصلاح حديقته الصغيرة الموجودة أمام بيته فى البحيرة، فالزراعة هى هوايته المفضلة، كلما أنهى الشاب محمد العنانى عمله اليومى كمحاسب، يدخل حديقته ويطلق العنان لخياله ليبدع بمختلف الأفكار، وذات يوم قرر إزالة الأتربة وخيوط العنكبوت عن قطع الكاوتش الملقاة بمخزن منزله، ثم تجميلها وتلوينها، لتكون مظهراً جمالياً داخل حديقته بأقل التكاليف: «عندى حاجات وبحب أعيد تدويرها كل فترة فى حاجة مفيدة، وبتطلع فعلاً أشكال جميلة جداً».
الفكرة أعجبت أصدقاءه، وسرعان ما قرروا تقليدها، فببعض علب الدهان المتبقية لديه وبأربع فرد كاوتش وفرخ مشمع، استطاع «محمد» أن يلفت أنظار كل من حوله: «فرد الكاوتش ماكنش عاجبنى شكلها، فقررت ألونها ببواقى بوية كانت عندى وزرعت فيها ورد وصبار وتفاح وتين»، ولم تكلفه تلك التجربة سوى 30 جنيهاً.
يقضى «محمد» فى حديقة منزله ساعات طويلة، حيث استغل موهبته فى زراعة أيضاً أنواع مختلفة من الفواكه كالجوافة والكمثرى والبرقوق والتفاح: «تجربة كويسة وممكن الناس تنفذها فى البلكونات أو لتزين الأسطح أو المداخل». زيارة «محمد» للمشتل عادة يفعلها ضمن روتين حياته الأسبوعى، حيث ينتظر موسم «ضرب العين»، ليجلب العقل الخاصة للزراعة: «بزرع بطريقة العقل، ودى طريقة سهلة، بجيب الكاوتش وأحط فيه العقلة بتاع النبات والتربة، ده كله داخل مشمع بخرمه عشان يكون سهل فى التهوية، والنبات يطلع له جدور وبحاول دايماً أوفر له مياه كويسة، ويكون فى مكان مش شمس عشان ميموتش».
