عمرو مصطفى يعتذر لـالهضبة: مش بس أستاذي هو صديق وأخ

نشر الملحن والمغني عمرو مصطفى، عبر حسابه الرسمي على موقع التواصل الاجتماعي "فيسبوك"، منشور يعتذر فيه للهضبة عمرو دياب، عن سوء التفاهم الذي حدث بينهما.

وكتب مصطفى، قائلًا: "عمرو دياب، الصيف مايبقاش صيف من غيره، هو مش بس استاذي، هو صديق وأخ، من أول ما مسكت الجيتار، من أول ماكنت أنا وأصحابي مانفوتلوش ولا حفلة".

وأضاف: "سوء التفاهم بيحصل بين كل الناس لكن أنا عمري ما قلت أو لمحت حتى بأي إهانه ليه، بالعكس كنت مدافعا عنه دايما حتى في وقت بعدنا عن بعض".

وتابع مصطفي: "وأنا لازم اعترف بعد اللي وصلت ليه بفضل الله انه كان سبب كبير في شهرتي، إيمانه بيا وبموهبتي كان دايما حافز ليا اني أبدع .. عمري ماسمعت انه قال كلمة وحشة عني لأنه إنسان راقي قبل ما يكون فنان راقي.. خلافتنا كانت بسبب شركة إنتاج مش أي حاجة تانية.. كنت ولازلت بتعلم منه وبستنى جديده زيي زي الملآيين من جمهوره اللي ذكراياتنا كلها على أغانيه.. مستنيين ألبوم الهضبة عمرو دياب".

• الهضبة عمرو دياب
• عمرو مصطفى
• موقع التواصل الاجتماعي
• الهضبة عمرو دياب
• عمرو مصطفى
• موقع التواصل الاجتماعي