لائحة جديدة للميكروباصات: أجرة الشنطة زى أجرة الزبون
لائحة جديدة للميكروباصات: أجرة الشنطة زى أجرة الزبون
«عايز تطلع الشنطة فوق هتدفع لها أجرة 5 جنيه يا باشا» قالها «فتحى»، سائق الميكروباص بموقف 6 أكتوبر، مخاطباً أحد الركاب الذى أراد وضع حقيبته أعلى شبكة الميكروباص، لم يكن أمام الراكب من رد فعل سوى السخرية «أدفع لها أجرة ليه هى واخدة مكان حد كان هيقعد فوق؟» استفهامه فتح باب الجدل داخل «الميكروباص»، الكل معترض على منطق السائق ولائحته الجديدة «يعنى هى كمان أجرة الشنط بتزيد مع البنزين، ولا هو تجميع فلوس وخلاص».
{long_qoute_1}
لم يملك «فتحى» ما يسكت به ركاب «الميكروباص»، حسم الجدل بصوت عالٍ: «لو عايز تحط الشنطة جنبك على كرسى هتدفع أجرته، ولو سبت الناس تحط شنطها فوق الميكروباص هلاقى الكل حاطط شنطه فوق، ودى حمولة زيادة على العربية.. اللى مش عايز يدفع لها فلوس يحطها فى حجره».
تحت بند الغلاء، وضع محمد مصطفى، سائق الميكروباص، مبرراته، يرى ابن الثلاثين عاماً أن غلاء البنزين السبب الرئيسى وراء غلاء كل الخدمات التى يقدمها للركاب، كثير من المواقف المضحكة تقابل «مصطفى» ورفاقه فى تعاملهم مع الركاب «الناس مش قادرة تستوعب إننا ضحايا زيهم، واحد بيقول لى إنى باعامل الشنط معاملة الركاب، وكان عايز يقعد على رِجل اللى جنبه عشان ما يدفعش الأجرة».
أجرة الشنطة لم تكن نظاماً جديداً، بل هى متبعة فى خطوط السفر عبر المحافظات، الجديد هو تطبيقها على الخطوط الداخلية، بحسب أحد سائقى الميكروباص بموقف «البحوث» بالدقى.
