قرينك زهق
من كُتر فلسفتك للأمور
فقرر يشتري دماغه
ويعاكس كل تصرفات أهلك
فمثلا..
- هيجري هو وقت أمّا
تنوي تمشي على مهلٙك
- هتمشي في سكة مسدودة
هيمشي في سكة ملهاش حيط
- هتبكي ع اللي فات منك
هيضحك ضحكتك يا عبيط
- هتهذي..
هيلتزم بالعقل!
- هتتكتل..
يسيل هوّ!
- هتتبخر؟!
يُقع مطرة!
- هتخرج
يبات جوه!
ويقفل بابُه للسترة
- هتتقيِّد
هيصبح حُرّ
- هتتسكر
هيرضى المُر
- هتبقى عليل
هيبقى صحيح
- وتتماثل للشفا لما
هتبقى سليم
وهو جريح!
وتجري تزوره تحت الأرض
تقول له من الفلسفة تُوبنا
يصون العشرة طولها وعرض
ويقولٙ لك تبقى من توبنا
ويحضن فيك خيال ضلٙك
وتتلاشوا..
وتتحاشوا كل الحاجات
اللي ملهاش ولا لازمة ولا أزمة
وتتراضوا وتتهادوا..
أمل وحياة!