ستة ونص
طلع الصبح كعادته يوماتي
كله يصبح يا نهار نادي
وقام السيد في ساعته يبص
يا نهار أبيض سبعة ونص
أصله اتأخر زي العادة
مستكة نسيت برضه يا سادة
تظبط وقتها ستة ونص
زعق سيد.. حقه أكيد
والأيام دي أيام عيد ما هي مش ناقصة خصم مرتب
والطلبات عمالة تزيد
قام السيد فط ونط
في أقرب هدمه نفسه حط
وراح ع الشغل وست الكل زعلانة منه
وحلفت مش راح تسأل عنه
ليه ع الصبح يقول مش هافطر
هو أنا يعني مخي دفتر
ومسكت تليفونها المفروسة
طلبت صاحبتها (ونوسة)
علشان تشكي وتبكي الهم
ردت السوسة ونوسة
وبدأ النم
قالت السوسة: "نشيفي ريقه
اوعي يا بت تحطي غدا ولا عشا سيبيه يتلم"
مستكة اوعي تاخدي منها
نفسها تبقي موكوسة عنها
شوفي حياتك صح وعيشي
إنتي وجوزك وسركوا هُس
واوعي تنسي بكره الساعة
خليه يصحى ستة ونص
