«أميرة».. 94.7%.. والتنسيق «علوم»: «عايزة أرجع الثانوية تانى»

08:29 م | الاثنين 28 أغسطس 2017

انقضت السنة بالنسبة لكثيرين، وتحولت إلى «أطلال» لا يأتى ذكرها إلا على سبيل التندر أو الاستعاذة من أن تعود أيامها، لكن «أميرة» تمنت العكس، وأرسلت التماسات إلى الرئاسة ومجلس الوزراء ووزارة التربية والتعليم، تتمنى فيها عودتها إلى الثانوية من جديد، رغم حصولها على 94.7% فى الثانوية العامة، والتحاقها بكلية العلوم.

كانت أميرة أسامة فى طريقها إلى المنزل، بعدما أدت اختبارها فى مادة اللغة الإنجليزية، بمدرسة بورسعيد الثانوية بنات، ومع أحد المطبات التى مر الميكروباص فوقها، وتدافع البعض داخله سقطت الفتاة لعدم وجود باب للميكروباص، لتنقل إلى مستشفى بعدما أصيبت بكدمات وجروح عدة: «الدكاترة ادونى مسكنات كتير وأدوية ضد الالتهابات، وكنت امتحنت خلاص العربى والفرنساوى والإنجليزى»، مشيرة إلى أنها قررت استكمال اختباراتها رغم الألم والتعب والأدوية التى تؤثر على تركيزها: «كنت أحياناً بيغمى عليّا فى الامتحانات ومابقاش مركزة، وعشان أنا شاطرة وعارفة نفسى فصعبان عليّا جداً الدرجات اللى جبتها»، موضحة أن المواد التى سبقت الحادث حصلت فيها على درجات نهائية: «قفلت الفرنساوى، والإنجليزى اللى الناس كلها بتشتكى منه نقصت فيه درجتين بس، والعربى نقصت فيه 3 درجات، المواد اللى بعد الحادث بقى كلها مش كويسة»، متذكرة اختبار الفيزياء، الذى سقطت فيه مغشياً عليها، وأسعفتها ممرضة موجودة بالمدرسة: «راح من الوقت كتير، بس برضه منقصتش غير 6 درجات فى المادة، ولو كنت كويسة كنت قفلت المادة».

{long_qoute_1}

والد أميرة، لم يجد أمامه سوى إرسال التماسات إلى بعض الجهات كرئاسة الجمهورية ومجلس الوزراء ووزارة التربية والتعليم، لعل أحداً يستجيب لمطلبه الاستثنائى ويسمح لابنته بإعادة السنة: «هيّا جابت مجموع كويس برضه وجالها كلية العلوم وتعتبر كلية كويسة، بس هيّا نفسها تخش طب وجالها صدمة نفسية وعمالة تقول لى يا بابا الحادثة مش ذنبى»، وهو ما أكدته الأم أمل محمد: «كان عندها مشاكل فى الأربطة، وكل كام يوم أشعة وأدوية وهيّا بتمتحن، نفسى وزير التربية والتعليم يتدخل عشانها».