كاملة أبو ذكري: «في نوع من جوائز المهرجانات بتحسسني بالإهانة»
كلماة أبو ذكري
شنت المخرجة كاملة أبو ذكري هجومًا على أحد المهرجانات السينمائية دون أن تذكر اسمه.
وقالت «أبو ذكري» عبر حسابها على «فيسبوك»: «في شوية مهرجانات كده خاصة بأعمال التلفزيون بتحس إنَّها إهانة إنك تأخد فيها جايزة، لو روحت هتأخد الجايزة، ولو ماروحتش راحت عليك يا حبيبي».
وأضافت: «وكأنه سوق أو كذبة كبيرة مفروض حضرتك تصدقها، تصدق إن كان في لجنة محترمة قيمت الأعمال واختارت حضرتك تحديداً لإنك تستحق الجايزة».
وأضافت: «النوع ده من الجوائز بتحسسني بالإهانة علشان لو حضرتك ما قدرتيش تقومي وتلبسي الحتة اللي على الحبل وتلطخي وشك بالماكياج وتلبسي كعب يشلك وتقفي مع كل برنامج تتكلمي فيه عن فرحتك بالجائزة العظيمة دي والحمد لله والشكر لله، لو ملعملتيش كده مش حينادوا على اسمك ولا حيسلموكي جايزة، جوايز بكشف الحضور».
واستكملت: «حبايبي يا بتوع جوايز كشف الحضور جايزتكم لا تشرفني خليهالكم».
وتفاعل بعض الفنانين مع رأي كاملة أبو ذكري، إذ علقت الفنانة داليا البحيري على منشورها، وقالت: «والله قلتي اللي نفسي أقوله، أنا بقيت بتكرم في الشهر خمس مرات والمرة بـ564 لقاء تلفيزيوني و4 راديو واتنين في البلاعة».
وعلقت الفنانة حنان مطاوع: «إنتي جائزة في حد ذاتك ووجودك في العالم بيدينا طاقة إبداعية».