هاني محمود: مرسي مضاني على اتفاقية مع الصين معرفش عنها حاجة

11:33 م | الثلاثاء 24 أكتوبر 2017

قال هاني محمود وزير التنمية الإدارية والاتصالات الأسبق، إنه فوجئ بتنظيم الرئيس المعزول محمد مرسي، زيارة للصين لعقد اتفاق دون علمه، متابعا: "عرفت من رجل أعمال هناك إني مسافر، كلمت هشام قنديل اسأله أنا طالع سفرية قالي مش عارف، أومال مين اللي عارف".

وأضاف "محمود"، خلال حواره مع برنامج "90 دقيقة" المذاع عبر فضائية "المحور": "عاد لي (قنديل) بعد ساعة ونصف وأبلغني أنني سأسافر"، متابعا: "أنا سافرت وأنا مش عارف هعمل إيه".

وواصل: "روحنا الاجتماع اتكلموا إن في بروتكولات، ودي مش تبعي تبع وزارات التخطيط، اتفاجئت إنه بيتنادى عليا في المؤتمر عشان امضي اتفاقية مع الصين، ولا عمري شفتها، ولا اعرف مكتوب فيها إيه، وبقوله أنا مش عارف إيه اللي بمضي عليه قالي امضي بس بعد كده نتكلم".