المليجي في حوار نادر: بيقولوا لي لو طولت معانا هنجيب لك فريد شوقي

تميز بأدوار الشر وقدم العديد من الأعمال في هذا السياق، والتي عبر الفنان محمود المليجي، عن حبه لها، قائلًا: "بنعمل أدوار الشر علشان نكره الناس في الشر ونبعدهم عن الطريق الخطأ، والمجرم بياخد عقوبته في الآخر".

وتحدث المليجي، خلال حوار نادر له ببرنامج "مع النجوم" من تقديم الإعلامية فريدة الزمر، عن موقف طريف عن أدوار الشر مع الناس "بحس بمدى نجاح فكرة الشر من خلال استقبال الناس بره السينما، يعني أنا وفريد بنعمل دويتو مع بعضنا باستمرار، هو دايمًا بيدافع عن الحق، وأنا بدافع عن فكرة الشر وبستعمل فيها قوتي البدنية والفكرية، فلما نمشي في الشارع الناس بيقولولي لو اتكلمت معاهم والله لو طولت معانا في الحديث لنجبلك فريد شوقي، على أساس إنه مدافع عن الخير"، متابعًا "إذا الناس تقبلت فكرة وعرفت إن الشر وحش ولا يجب فعله".

وعن تعلم فن الكاراتيه لاستخدامه في أدوار الشر قال المليجي: "دي موجة بتطلع وبتاخد وقتها وبتنتهي، وكل الأفلام اللي فيها الكاراتيه زيها زي بعضها في الآخر".

• محمود المليجي
• أدوار الشر
• فريد شوقي
• الخير
• فريدة الزمر
• محمود المليجي
• أدوار الشر
• فريد شوقي
• الخير
• فريدة الزمر