من 50 قرشاً إلى 10 جنيهات: الكتب كتير بس مين يقرا

08:27 م | الثلاثاء 06 فبراير 2018

10 جنيهات كافية لشراء أروع روايات إحسان عبدالقدوس، وبـ50 قرشاً فقط تحظى بأحد الكتب التاريخية أو التراثية أو الدينية المهمة، هى محاولة من أصحاب دور النشر فى معرض القاهرة الدولى للكتاب، للترويج لعدد من الكتب ذات الطبعات القديمة، التى تتمتّع بقدر كبير من الأهمية.

«الوطن» التقت عدداً من العاملين فى أجنحة المعرض، وكشفوا أن طرح أسعار زهيدة حيلة لجذب القارئ العجول، وهو غالباً لا يبحث عن تلك النوعية من الكتب، وإنما يقدم على شرائها لسعرها البسيط.

{long_qoute_1}

أحاديث قدسية وكتب صحية وتاريخية مختلفة طرحها أحمد طارق، أحد العاملين فى جناح خاص بالكتب القديمة، بأسعار تتفاوت بين 50 قرشاً و10 جنيهات، فضلاً عن كتيبات صغيرة يمكن حملها بسهولة إلى أى مكان: «بقالنا 5 سنين بنحاول نصفى فى الكتب دى كل معرض، ده غير إننا بنعرضها فى الدار بره موسم المعرض»، مضيفاً أن عدداً ليس قليلاً من زوار المعرض ليست لديهم ثقافة، ويبحثون عن الكتب ذات الأسعار المنخفضة: «الناس ممكن تشترى كتب دينية أو أدعية، بتكتفى باللى حافظاه أو بتسمعه، وده خلانا طول الوقت حريصين على إننا ننزّل من سعرها، على الأقل لما تتباع بـ50 قرش هيجروا عليا». وتقدم الدار كتباً مختلفة لتفسير القرآن وكتباً متخصصة فى الدين والصحة، وكذلك بعض المراجع الخاصة بكليات معينة: «كل ده بنبيعه بجنيه وفيه بـ5 جنيه، وهنا بقى السعر بيكون على حسب أهمية الكتاب بالنسبة للمشترى».

مصطفى المراسى، مسئول عن جناح «دار المعارف» للكتب المخفّضة، قال إن الدار تعرض كتباً متنوعة ما بين الدين والتاريخ والصحة والاقتصاد والاجتماع، وغيرها من بعض المراجع المهمة: «مش أى حد بيشترى الكتب دى، لأن إحنا بنعتمد على مشترى له ذوق مختلف، بيدور على كتب ما بيلاقيهاش لا على النت ولا فى أى مكتبة من كتر ما هى قديمة، وممكن مايكونش حد يعرف حاجة عنها، بس بيلاقيها هنا وبسعر كويس». تقدم الدار الكتب بأسعار مخفّضة تتراوح بين 5 و10 جنيهات: «عندنا الروايات القديمة بـ5 جنيه، وفيه الأحدث منها شوية دى بتبقى بـ10 جنيه».