«مصطفى» يخاطب الأطفال بـ«الأنيميشين»

09:59 م | الأحد 11 مارس 2018

تعلم فن «الأنيميشن» ذاتياً، طوال الوقت كان لديه الشغف ويسعى لأن يكون صانع رسوم «جرافيك»، على الرغم من وظيفته الصباحية. مصطفى محمد على، كان يرى فى نفسه الموهبة، بمجرد انتهاء ساعات عمله، يعلم نفسه عن طريق موقع «يوتيوب» وغيره، يقرأ فى ذلك الفن، حتى احترف برنامج «illustrator».

يخاطب الأطفال من 6 إلى 8 سنوات من خلال الرسوم التعليمية، بالإضافة لأعمال تخاطب الكبار، يرى «مصطفى» أن فن «الأنيميشن»، سريع الفهم والوصول للمتلقى: «الأطفال بيلفت نظرهم الرسومات، والكبار برضه، ومعظم الشركات بتهتم بالأنيميشن والرسوم المتحركة فى الدعاية بتاعتهم دلوقتى». ما تعلمه لا يبخل به على من يريد دخول المجال: «اديت كورسات قبل كده، وكمان أى حد بيسألنى على أى حاجة، سواء من خلال الرسايل، أو السؤال مباشرة، بعلمه».

عدم انتشار «الأنيميشن» بشكل واسع، يرجعه «مصطفى» إلى صعوبته، بالإضافة لقلة الموهوبين فيه: «فن الديجيتال مش منتشر أوى، لأن بحره واسع وكل يوم بتتعلم حاجة جديدة، ولازم يكون دايماً عندك أفكار متجددة».