بريد الوطن| حبيبتى عيشى
صورة أرشيفية
مع اللى مش فاهم
تقدر تقول مواويل
ما انا اللى أستاهل
الصبر قالوا جميل
يعرفوا إيه عنها
غير يشربوا ماعونها
ويناموا آخر الليل
يعرفوا إيه عن فارس
حماها من التنكير
نجَدها من بين مارد
وديابة على تنين
ووحوش ملوا الغابة
وما مسحوا ليها عينين
والغلب عطشها
وهى صابَّة النيل
طللنا بفرحها
والوفا للصابرين
قايدالنا مصباحها
من غير علاء الدين
سايبانا مطرحنا وهى سايرة سنين
يا حبيبتى عيشى فى أمن
ومهما يغلى الثمن
وسودى عدى الزمن
وخطى ميل ورا ميل
وعدى بكرة الحى
وقيدى مليون ضى
ما ليكى مثل أو زى
أحلام عبدالصمد فريج حوطر
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com