عجوز "80 سنة" تنتخب بكفر الشيخ: "أنا بحب السيسي.. بحسه ابني مش رئيسي"
الحاجة فتحية أمين برفقة جارها
بظهر منحني وغير قادرة على الحركة، أصرت الحاجة فتحية أمين، التي تجاوز عمرها الـ80 عاماً، على الذهاب للإدلاء بصوتها أمام لجنة المعهد الديني بقرية كفر المرازقة التابعة لمركز قلين في محافظة كفر الشيخ، بعد أن اصطحبها أأحد جيرانها للجنة للتصويت للرئيس السيسى.
تقول الحاجة فتحية: "أنا عديت الـ80 سنة وجاية انتخب السيسي، رجل خير ومعيشنا في أمن وأمان، بيحارب الإرهاب علشان مصر، وعلشان الأرض، اللي هو صاينها ومحافظ عليها، أنا جيت علشان أقول للناس كلها انزلوا انتخبوا السيسي، راجل علامة الصلا في وشه، وبيعمل خير وبيراعي المواطن، ميغركوش شوية الغلا اللي إحنا فيهم، إحنا زمان عيشنا في ظروف أصعب من كدة أيام الحروب، واحنا في مرحلة زي الحرب، بنحارب في كل مكان جوا وبرة".
واضافت قائلة: "الناس بتقول الريس هينجح هينجح حتى لو منزلناش وانا بقولهم، لا انزلوا وقولوا للعالم كله إننا قادرين وعندنا إرادة وواقفين جنب جيشنا وشرطتنا، وهنرجع دم ولادنا اللي ماتوا من الإرهاب، أنا بحب السيسي، بحسه ابني مش رئيسي، إحنا زمان كنا بناكل مش وعيش واتحملنا كتير لازم انتو تصبروا شوية وتتحملوا لحد ما تتحسن الدنيا".
انطلقت اليوم، الانتخابات الرئاسية، في تمام الساعة التاسعة صباحا، وتستمر لثلاثة أيام. ويتنافس فيها الرئيس عبدالفتاح السيسي، ورئيس حزب "الغد" موسى مصطفى موسى.
ويحق لـ59 مليونا و78 ألفا و138 ناخبا، الإدلاء بأصواتهم في الانتخابات الرئاسية لعام 2018، وهم إجمالي الناخبين المقيدين في الكشوف الانتخابية، ويشرف على العملية الانتخابية 18 ألفاً و620 قاضياً من 4 هيئات قضائية، على 13 ألفاً و706 لجان فرعية بجميع المحافظات، و110 آلاف موظف إداري وسط إجراءات أمنية مشددة.
وحددت الهيئة الوطنية للانتخابات، برئاسة المستشار لاشين إبراهيم، الثاني من أبريل لإعلان نتيجة الانتخابات، وفي حال أسفرت النتائج عن الحاجة لإعادة، ستجرى انتخابات في الفترة من 19 إلى 21 من أبريل بالنسبة للمصريين في الخارج، وفي الداخل ستجري الإعادة من 24 إلى 26 أبريل، وتعلن النتيجة النهائية في الأول من مايو.