«اللبن المدعم».. رحلة المواطنين اليومية للبحث عن المستحيل فى الصيدليات

08:44 م | الخميس 10 مايو 2018

«مفيش غير المستورد».. الإجابة التى يسمعها المواطنون كلما ذهبوا إلى صيدلية بحثاً عن لبن مدعم، وقال بعضهم إنهم لجأوا للبحث عنه فى محافظات أخرى خارج العاصمة بعد أن طالت فترة اختفائه، وخلال جولة لـ«الوطن»، فى بعض صيدليات منطقة وسط البلد والدقى استمعنا إلى شكاوى المواطنين، ومنهم جدات ذهبن لمشاركة أبنائهن رحلة البحث عن اللبن المدعم فى الصيدليات، فى حين رصدت «الوطن» توافر المنتج فى مراكز الأمومة والطفولة ببعض المناطق.

من المعادى إلى وسط البلد، رحلة يومية اعتادت عليها سيدة خمسينية بحثاً عن علبة لبن مدعم لحفيدها، تنتظر «ابتسام سلام» كل يوم أمام الصيدلية لساعات، أملاً فى أن يأتيها خبر يطمئن قلبها ويشبع حفيدها بتوافر علب اللبن التى يحتاجها، تقول وهى تستند على عكازها الخشبى أمام باب الصيدلية: «سألت فى كل حتة عن اللبن ده واتصلت بقرايب لينا ومعارف فى محافظات تانية بس برضه قالولى مفيش»، وتتابع: «بقالنا 3 شهور مش لاقيين اللبن المدعم فى صيدلية الإسعاف، وأنا بصرف لأدهم حفيدى بالشهادة الصحية من وزارة الصحة 5 علب لبن مدعم فى الشهر، والواحدة بـ26 جنيه»، وتستطرد: «العلبة بتقعد معاه 3 أيام بس وبضطر أجيبله 5 علب مستوردين من الإسعاف بـ350 جنيه عشان يكفوا».

{long_qoute_1}

للسبب نفسه تقف «أم محمد» أمام صيدلية الإسعاف، لكنها كانت المرة الأولى التى تأتى فيها، وفوجئت بالصيدلى يقول لها: «مفيش عندنا، روحى دورى فى مكاتب الصحة»، السيدة الستينية التى تقطن بمنطقة العدوية تساعد ابنها فى رحلة شاقة بدأها منذ شهر بحثاً عن علب اللبن المدعم، تقول «أم محمد»: «اللبن اللى بنصرفه من الصحة مش بيكفى، وهما أكيد عارفين كده ولازم يوفروا فى الصيدليات لبن مدعم عشان الأطفال ما تجعش». وتتابع: «حفيدى لا يتعدى عمره شهر، ولا تكفينا الكمية التى تصرف من مكاتب الصحة، وابنى ما يقدرش يوفر ثمن أسعار المستورد، لأن عنده أطفال تانيين ومصاريفنا كتير»، وطالبت الجدة الحكومة فى نهاية حديثها بسرعة توفير الألبان المدعمة. «بقالى أسبوع دايخة على علبة لبن لبنتى دنيا، عندها 6 شهور ومريضة بالسكر ومش بتقدر تاخد أى نوع»، قالتها بسمه محمد، 23 عاماً، لتصف معاناتها فى رحلة بحثها عن علبة لبن مستورد لطفلتها التى تستهلك 3 علب فى الأسبوع، وتتابع: «بنتى لو أخدت أنواع تانية بترجع وتعيط وبطنها توجعها»، موضحة أنها علمت بتوفر هذا النوع بصيدلية الإسعاف من خلال صفحتهم على فيس بوك، وتتابع: «كل يوم باجى عشان أخد 3 علب لبنتى، لكن الدكتور فى الصيدلية مش بيرضى يدينى»، لافتة إلى أنها اضطرت فى الأسبوع الماضى لشراء علبة لبن مستوردة من محافظة مطروح بـ100 جنيه.

ويقول أيمن محمد، صيدلى بإحدى صيدليات منطقة الدقى، إن أزمة اللبن المدعم مستمرة منذ عام تقريباً، وإن هناك وفرة فى جميع أنواع اللبن المستورد التى تبدأ أسعاره من 60 جنيهاً لـ90 جنيهاً. وذكر باسم محمد، صيدلى بإحدى صيدليات منطقة وسط البلد، أن أسباب نقص اللبن كونه يصرف دون روشتة: «ممكن واحد يشترى 3 أو 4 علب، وهو مش بيحتاج الكمية ديه كلها وبيركنها، لأنه رخيص بـ43 جنيه»، ويضيف: «مفيش أى معلومة عن ميعاد توفره تانى فى الصيدليات». ويقول أحد الصيادلة بصيدلية الإسعاف، رفض ذكر اسمه، إنه لا يتوافر بالصيدلية سوى نوع واحد من المستورد بسعر 69 جنيهاً، ويضيف: «كل اللى بيسألنى على المدعم بقوله ممكن يبقى موجود فى مراكز الأمومة والطفولة». فى الوقت نفسه، رصدت «الوطن» توافر اللبن المدعم فى بعض مكاتب الصحة، وأوضحت إحدى الممرضات بمكتب صحة الدقى بشارع سليمان جوهر أن اللبن المدعم متوافر لديهم، لافتة أن سعر عبوة المرحلة الأولى ٥ جنيهات، والثانية ٢٦ جنيهاً، مؤكدة أن صرف عبوات اللبن المدعم يشترط إحضار قسيمة الزواج وصورة البطاقة الشخصية لكل من الأب والأم والشهادة الصحية الأصلية للطفل فضلاً عن إحضار الأم والطفل للكشف عليهم.