لبنى حلت مشكلة مرض ابنها بشراء لعبة من الإنترنت.. كان يزحف على يديه

02:30 م | الاثنين 04 يونيو 2018

فرحة كبيرة لم تكن في استطاعت لبنى عبد الكريم وصفها بمجرد وصولها لحل مشكلة طفلها الصغير المصاب بمرض ضمور العضلات الشوكي، بشرائها دراجة ترفيهية خاصة للأطفال تسير باللمس، جعلته يتحرك بسهولة باستخدامها بدلا من الزحف على يديه.

لم تتردد الأم الأربعينية، لحظة في شرائها للدراجة، التي اشترتها بـ500 جنيه، بمجرد رؤيتها على إحدى الصفحات الخاصة بلعب الأطفال أثناء تصفحها موقع "فيس بوك"، لقدرتها على مساعدة طفلها محمد ابن الـ5 أعوام، "كان نفسي أجيبله العجلة عشان يفرح بيها ويلعب بيها زي باقي الأطفال مش عشان يمشي بيها وميزحفش على إيده، بس هي ساعدته في الحركة كتير وكل ما أشوفه بيقدر يتحرك لوحده بيهون عليا زعلي عليه".

لاحظت لبنى، مرض طفلها محمد، الذي انجبته بعد 7 سنوات من الزواج، بعد تخطيه سن ال 3 أعوام، ضعف جميع عضلات جسده بالكامل حرمته من سير أولى خطواته على قدميه كباقية الأطفال، مقتصرا تحسن حالته على عملية جراحية لم يؤكد نجاحها لخطورة حصولة على جرعة مخدر"بينج" أثناء العملية" الدكتورة قالتلنا لو خد مخدر ممكن ميصحاش منه تاني، عشان كدا بحاول أوفر له بعض الإمكانيات اللي تسهل عليه التعامل والحركة يعني فرشة كل بيتي سجاد عشان ميتعورش وهو بيزحف على ايده".

تفكير لبنى، في صغيرها جعلها تقوم بفتح حضانة للأطفال، بإمكانيات خاصة ليكون تحت رعايتها بشكل مباشر، مقررة إلتحاقة بالمدرسة لكن بدون الذهاب سوى في أيام الامتحانات فقط، معتمدة على شقيقته التوأم على جمع دروسه اليومية، "مضمنش الناس هتعامل مع ابني ازاي وهيساعدوه ولا هيعملوا بطريقة قاسية عشان كدا فتحت الحضانة وساعدته على التواصل والتعامل مع اللي في سنة، وأنا فرشتها بردوا سجاد عشان يقدر يتحرك وأنا اللي بتولى نظافته و استخدماته الشخصية، هو ذكي وشاطر في الدراسة وناوية أقدمله في المدرسة بس يارب آلاقي مدرسة تقبله وميترفضش".