سبوبة رمضان: اعرف وزنك بجنيه ونص

12:02 ص | الأربعاء 06 يونيو 2018

زيادة الوزن خلال شهر رمضان، والقلق الذى ينتاب البعض من السعرات الحرارية المكتسبة خلال هذا الشهر، دفعت طارق عبدالفتاح، إلى استغلال ذلك والوقوف فى شارع الأهرام بميدان الجيزة، وبجواره ميزان لقياس الوزن، مستقبلاً خلال ساعات النهار عدداً كبيراً من المواطنين الراغبين فى معرفة أوزانهم مقابل جنيه ونصف الجنيه لكل منهم، محققاً مكسباً دون أى مجهود.

فى ركن بعيد عن أشعة الشمس، يجلس «عبدالفتاح» مندهشاً من صدمة بعض المواطنين فى أوزانهم بعد أن اكتشفوا زيادتها بشكل كبير خلال هذا الشهر: «المفروض نسميه شهر الطعام، مش الصيام»، موضحاً أن سبب زيادة الوزن هو تناول كميات كثيرة من الطعام أثناء الإفطار بجانب الحلويات والسكريات: «الناس بتبقى حاطة أمل أنها تخس فى الشهر ده بس الأكل اللى بياكلوه ما بيساعدش على كده، وأحسن وقت لقياس الوزن بيبقى قبل الفطار عشان الجسم يبقى خفيف». ولا يكتفى الرجل الأربعينى بالحصول على «الجنيه ونصف الجنيه»، من زبائنه، بل ينصح أصحاب الوزن الثقيل باتباع نظام غذائى للحصول على جسم رشيق: «لما بلاقى واحد متضايق من وزنه بقوله هدّى على معدتك شوية اليومين دول». كل صباح يأتى «عبدالفتاح» من منزله إلى الجراج الذى يحتفظ فيه بالميزان وبعد انتهاء عمله يعيد الميزان إلى الجراج: «بحط الميزان فى الجراج عشان تقيل وصعب أروح وآجى شايله من البيت»، مؤكداً أن شهر رمضان بالنسبة له موسم، يحاول أن يخرج منه بمكسب كبير: «كل الناس بتبقى عايزة تعرف وزنها، بس للأسف ساعات بقابل ناس بتتكسف تتوزن فى الشارع وبتفضل الصيدليات».