أميرة شنب: تركت منصب «مدير عام» وتفرغت للمطبخ.. وما زلت أخاف من الكاميرا
أميرة شنب: تركت منصب «مدير عام» وتفرغت للمطبخ.. وما زلت أخاف من الكاميرا
- استعدادات المدارس
- السوبر ماركت
- برامج الطبخ
- برنامج طبخ
- دورات تدريبية
- على الهواء
- مدير عام
- نى يو
- آداب
- أكلات
- أميرة شنب
- استعدادات المدارس
- السوبر ماركت
- برامج الطبخ
- برنامج طبخ
- دورات تدريبية
- على الهواء
- مدير عام
- نى يو
- آداب
- أكلات
- أميرة شنب
أناقتها وبساطتها مهَّدتا لها طريقاً إلى قلوب المشاهدين، ليعجبوا بها شخصياً قبل وصفاتها، ويتقبلوا كل ما تقدمه من أكلات ومعلومات عامة تستعرضها خلال الحلقة، ورغم حداثة تقديمها لبرامج الطبخ، استطاعت خلال فترة وجيزة أن يحتل اسمها مكانة بين كبار الـ«شيفات»، ويلتصق بأذهان المشاهدين كما التصق باسم البرنامج «أميرة فى المطبخ».
{long_qoute_1}
أين كانت انطلاقتك فى المطبخ؟
- «سفرة» أول قناة أطل منها على جمهورى، قبلها كان لى برنامج على موقع «يوتيوب»، حقق نجاحاً، ومن خلاله اختارنى القائمون على القناة.
هل درست الطبخ؟
- لا.. والدتى سبب حبى للمطبخ، كنت أراقبها منذ صغرى وأتعلم، لكن درست آداب إسبانى، واشتغلت مديراً عاماً فى شركة لمدة 15 سنة، وفضلت لفترة باجمع بين شغلى وبرنامجى فى سفرة، لحد ما بدأت أطلع هوا وكان لازم أتفرغ للبرنامج.
طلتك مميزة على الشاشة.. كيف تستعدين لها؟
- من ساعة ما طليت على الناس من اليوتيوب وأنا عاوزة أغير صورة ست البيت.. دائماً راسخ فى الذهن إن الست اللى بتطبخ لازم تبقى تخينة ومبهدلة، وبالصدفة كان ده توجه قناة سفرة، كانوا عاوزين يقدموا للشاشة ناس بتطبخ وشكلهم أنيق ومهندم.
ما مواصفات الشيف الناجح؟
- يهتم جداً بالمعلومات اللى يقدمها عن الأكلة، بقدر اهتمامه بالطبخ، أنا شخصياً بذاكر كتير، والحلقة بتاخد منى وقت ومجهود كبير، وده طبيعى لأى حد عايز يتميز.
{long_qoute_2}
ما أحلى لقب سمعته من جمهورك؟
- مايهمنيش الناس تلقبنى بإيه، المهم أكون واصلة ليهم وأسمع تعليقاتهم وأفيدهم. بحب أسمع كلمات زى انتى بتعملى شغلك بضمير وقلب.. انت مفيدة.. ماكناش بنطبخ واتعلمنا منك.. هو ده الكلام اللى يهمنى لكن ينادونى أميرة، ميرو أو شيف أميرة لا يشغلنى.
صِفى لنا يوماً فى حياتك؟
- يومى بيبدأ من 4 الفجر. من 4 لـ7 وقت باخصصه لأولادى، عشان استعدادات المدارس.. من 7 لـ12 وقت لبيتى زى الأكل والتنضيف والمكواة والسوبر ماركت.. من 12 لـ٤ وقت القناة.. من 5 لـ8 باكون رجعت البيت وبخصصه لأولادى أكل وتمرين ومذاكرة.. من 8 لـ10 لبيتى والتحضير لشغل تانى يوم فى القناة.
هل يمكن لأى شيف تقديم برنامج طبخ؟
- لا.. فيه شيفات عظام، لكن ماعندهمش ملكة التقديم التليفزيونى.. أصلها شغلنتين فى شغلانة شيف ومذيع، ودى مهمة شاقة، وبيزيد صعوبتها إنك لازم تهتمى بنفسك طول الوقت؛ تلبسى كويس وتروحى الكوافير وخلافه.
هل تلقيت تدريباً على الوقوف أمام الكاميرا؟
- تماماً.. أول يوم كان رعب فظيع، ولحد دلوقت الكاميرا بالنسبة لى مرعبة، ولأى حد بيخاف على شغله وعايز يطلع بشكل كويس. صعوبته إنك على الهوا مباشرة ومع الناس، وممكن خطأ يحصل ماتعرفش تتفاداه وممكن المشاهد ياخد باله من حاجات انت شخصياً مالاحظتهاش، لأن الكاميرا فضاحة وبتكبر كل حاجة.
هل تعرضت لمواقف حرجة على الهواء؟
- كل يوم باتعرض لمواقف فجائية.. حاجة باظت أو اتكسرت أو اتحرقت أو أنا شخصياً اتلسعت، وعلى طول باكون تحت ضغط إنى أخلص فى الوقت المناسب ومفيش حاجة تبوظ وإزاى تدارى غلط حصل.
هل لك هوايات أخرى؟
- كتير، وطول الوقت باتعلم وباخد دورات تدريبية فى مجالات مختلفة.
ماذا تغير فى شخصيتك بعد الشهرة؟
- اتعلمت الصبر. بقيت باخد الأمور ببساطة حتى فى السخافات اللى بنقابلها طول الوقت. اللى يشتمك واللى يعلق بشكل سخيف على حاجة بعيدة عن اللى بتعمليه.
هل يتابع أبناؤك برنامجك؟
- عندى ولدين 10 سنين و13 سنة، بيتابعوا برنامجى مش بشكل يومى، وبيحبوا أكلى ووصفاتى، لكن فشلت إنى أقنعهم بالمحشى والقلقاس.
