(3)
جدو عبده وعمو فؤاد عملوا هاشتاج
"جدو عبدو" و"عمو فؤاد" صابهم حزن كبير بعد ما ضاع أملهم فى الرجوع من تانى...
جدو عبده: لازم يا فؤاد نوصل للناس.
عمو فؤاد: يعنى هنفرض نفسنا على شركات الإنتاج؟َ!
جدو عبده: إحنا محبوبين يا فؤاد والكل صغير وكبير عارفنا.
عمو فؤاد: طب وهنعمل إيه؟
صوت فطوطة من بعيد: أنا هأقولكم.
عمو فؤاد: فطوطة.. إنت جيت؟
فطوطة: ما أنا عشت زمانكم وزمانهم وعارف اللى فيها.
جدو عبده: طب الحل إيه يا فطوطة.. إحنا عايزين نرجع!
فطوطة: لازم نوصل لكل الناس.. وده سهل بالهاشتاج.
عمو فؤاد: وده يتعمل إزاى؟
فطوطة: شوية هرى على هبد فيه أساميكم.. هوب هتلاقوا شوية شباب اتحمس ليكم.. هوب نلاقى هاشتاج ياخد الترند التمام.
جدو عبده: وبعدين؟.. هنعمل إيه؟
فطوطة: مش إنتوا اللى هتعملوا.. البرامج والتوكى شو هم اللى هيعملوا.. وهتبقوا أشهر من أيام زمان.. وآآآآآآكشن.