سمراوات يطلقن حملة لمواجهة العنصرية: «السمار نص الجمال»
سمراوات يطلقن حملة لمواجهة العنصرية: «السمار نص الجمال»
- مواجهة العنصرية
- الفتيات السمراوات
- سمراوات
- جمال الفتاة
- فتاة سمراء
- الجمال الأسمر
- حملة مواجهة العنصرية
- مواجهة العنصرية
- الفتيات السمراوات
- سمراوات
- جمال الفتاة
- فتاة سمراء
- الجمال الأسمر
- حملة مواجهة العنصرية
«أنا جميلة بكل حالاتى بسمارى وهالاتى».. شعار رفعته الفتيات السمراوات، من خلال حملة أطلقنها على موقع التواصل الاجتماعى «فيس بوك»، يعبرن فيها عن أن جمال الفتاة لا يكمن فى لون البشرة، وإنما فى الشكل والملامح وجمال الروح.
جاءت هذه الحملة بسبب ما تتعرض له السمراوات من تعليقات سخيفة ومضايقات أثناء سيرهن بالشوارع، وذلك على مرأى ومسمع من المارة، ما يصيبهن بإحباط وحزن شديدين.
«أنا راضية تمام الرضا عن لون بشرتى».. بثقة شديدة تتحدث زينب مبارك، إحدى المشاركات فى الحملة، فعلى الرغم من العنصرية التى تتعرض لها بشكل شبه يومى، إلا أنها اعتادت عليها وأحياناً تتأقلم معها بابتسامة وجملة «ربنا يهديكم»: «أكتر موقف خذلنى فعلاً زمايلى فى الشغل، مرة هزروا معايا وقالوا لى يلا هنجوزك عامل البوفيه، ما هو أسود زيك، الموقف ده على الرغم من إنه ضايقنى جداً، إلا إنى ضحكت وخدت الموقف بهزار»، ومن المواقف السيئة التى تعرضت لها لكنها أقل تأثيراً: «بينادونى فى الشارع يا شيكولاتة، بس دى بتضحكنى جداً أنا كده كده بحب الشيكولاتة».
سوما دهب، فتاة سمراء تتعرض هى الأخرى لمضايقات فى الشارع بسبب لون بشرتها ما دفعها للاشتراك فى الحملة التى تنصف الجمال الأسمر: «اتعرضت لمواقف كتير فى الشارع، بس أكتر موقف عنصرى لسه فاكراه وماعتقدش إنى ممكن أنساه لما كنت ماشية فى الشارع وقابلت واحدة ماشية مع جوزها، وأول ما شافتنى قالت له بصوت واطى: هجوزك واحدة سودا زى دى عشان تقدَّر النعمة اللى فى إيديك، بس أنا سمعتها ومن ساعتها وأنا مشفقة على الناس دى بجد».
