ساعات كتير بأحس إن أنا قادرة أقرأ قلوب الناس.. بأفهم اللى بيكدب واللى بيخبى واللى بيخاف واللى واللى.. بفهم بيحسوا إزاى.. وبقرأ جمل ما اتقالتش بسبب كسوف أو ضعف قدرة على التعبير.
باختصار هو اللى كل حد حاطه جوه قلبه وساكت.. ساعات بأحس إنى بقرأ النفوس المستخبية ورا العيون.. واقعد أذاكرها.. وعشان أفهم أكتر وأحلل بسأل أسئلة كتيرة.. بس الحقيقة إن النفس البشرية معقدة جداً.
بعد كل القراءات دى لسه بفك الخط.. وبكتشف كل يوم إنى ولا عارفة حاجة!