بريد الوطن| لكل اللى غابوا
بريد الوطن| لكل اللى غابوا
لكل اللى دوبنا ف هواهم ودابوا
لكل اللى نادوا بروحهم لروحنا
ووقت أما قربنا ليهم وروحنا
فكوا ف إيديهم ف لحظة وسابوا
لكل اللى عيشنا معاهم طيبتنا
وكانت عيونهم بلادنا وبيتنا
وصنا غيبتهم ما صانوا غيبتنا
وجرحوا ف قلوبنا وبالكذب عابوا
لكل اللى كانوا سكر ودابوا
سلامى عليكم ومملكش ليكم
غير قلب ميت عدمتوه شبابه
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
