الإخوان يخوضون الانتخابات بمبدأ «للصناديق حسابات أخرى»

الجماعة تقاطع الدستور وترفض خارطة الطريق وتصف المرحلة بـ«الانقلاب».. حقائق أكدها الإخوان قولا ونفوها فعلا، بالمشاركة فى الانتخابات النقابية، التى بدأت أمس الأول بانتخابات نقابة الأطباء، ليعاود الإخوان الكرة، بممارسة ما اعتادوه خلال عهد «مبارك»، الادعاء كذبا معارضته ومقاومة نظامه والاشتراك فعلا فى كل فعاليات دولته. مشاركة الإخوان فى الانتخابات النقابية الأخيرة لنقابة الأطباء والفوز بنسبة 32%، لم يكن كله خيرا لدى الجماعة فزاد من انشقاقها، بحسب محمد عارف، الشاب الإخوانى الذى لم يفرح لفوز الإخوان فى انتخابات نقابة الأطباء، كما فعل غيره «إزاى الجماعة تشارك فى الكيان ده؟ نقابة الأطباء دلوقتى مش هى نقابة الأطباء وقت مرسى أو حتى مبارك، لكن دى فى أحضان حكومة انقلاب وتعاملها هيكون معاهم واحنا بنقول إننا مش معترفين بهذه الحكومة، يبقى ازاى هيتعاملوا معاهم؟».. هرولة الجماعة تجاه المشاركة فى انتخابات النقابات اعتبرها «عارف» بداية محطات التنازل، مضيفا: «طب بعد كده تيجى الانتخابات البرلمانية ويشاركوا ويقولوا عشان نعرفهم إننا هنكسب مش هو ده اللى احنا عايزينه، الدولة دى ما بقاش ينفع فيها الترقيع، عايزة هدم كلى».