النفسية تشعل حربا بين محمد الشرنوبي وحمزة

03:30 ص | الاثنين 22 أكتوبر 2018

أشعلت أغنيتان بعنوان "النفسية" أزمة داخل الوسط الغنائي بين الفنان الشاب محمد حمزة والفنان محمد الشرنوبي، بعدما طرح كلا المطربين الأغنية بشكل متشابه تماما.

البداية كانت مع أغنية حمزة التى طرحت نهاية الأسبوع الماضي بعنوان "النفسية محتاجة"، وهي من كلمات محمد القاياتي، وألحان حمزة، وتوزيع هاني يعقوب، وميكس وماستر هاني محروس، من إنتاج شركة "MG Productoin".

غير متوقع أن محمد الشرنوبي طرح أغنية بنفس العنوان "النفسية"، يوم السبت، وهي من كلمات أيمن بهجت قمر، وألحان محمد يحيى، وتوزيع إلهامي دهيمة، وإنتاج ايرث برودكشن.

علق الشاعر أيمن بهجت قمر على نجاح أغنية محمد الشرنوبى "النفسية" قائلاً عبر حسابه على "فيس بوك"، "عدالة إلهية". وكتب قمر تحت عنوان "تأملات في مجال العمل اللطيف"، "طبعا مش كلهم.. بس معظم أول ناس وقفت جنبهم في كل مرة كانوا محتاجيني فيها عشان حقهم ما يضيعش هما أول ناس وقفوا في وشي عشان حقي أنا بعد كدة يضيع! أول ناس كنت أنا ضهر ليهم مع أول محطة يا باشا كانوا هما هما بنفسهم ضهر لغيري!".

وأضاف: "يجروا ينادوا لك إلحقنا فين العدل القانون! ولما تيجي أنت بعد كده تقول لهم طب أنا ليا حق فيه قانون يا أساتذة يقولولك ده ظلم وحسبي الله ونعم الوكيل ويحللوا لنفسهم ويعيشوا في دور المظلومين المقهورين وده لسبب واحد بس أنهم لسه شباب وفي بداية حياتهم وعلى فكرة الظالم مش مهم يبقى كبير أو مشهور ممكن تبقى لسه في بداية حياتك وتضرب بالزمالة وبالأصول وبالقوانين عرض الحائط مفيش مشكلة بس أنت نفسك هتضرب في نفس الحائط ده وابقى قابلني لو عملت حاجة في حياتك، لأن ما بني على باطل فهو باطل وأنت ابتديت مشروع ويلا نفسي واخترت دور الشهيد وصدقته حتى لو دوست على الأعراف والقوانين والزمالة أما الناس اللي أنا بعنيها بالكلام الفاضي ده".

أما الملحن بلال سرور ملحن أغنية حمزة، فقال عبر صفحته الرسمية على "فيسبوك"، "شهاده قدام ربنا الافتراء إن أغنية النفسيه محتاجه مسروقه من أغنيه الفنان محمد الشرنوبي باطل وظالم، ولا أغنيه الشرنوبي مسروقة من حمزه في لبس في توقيت النزول والفكرتين متقاربين رغم اختلاف تناولهما".