قوة ذهنية
هناك بعض المهارات التي يعتقد الشخص أنه من المستحيل اكتسابها مثل "القوة الذهنية"، وهي القدرة على إدارة الأفكار وضبط العواطف والتحكم في التصرف في أي موقف وغيره، إلا أنه من الممكن أن يدرب الشخص نفسه والتركيز حتى يصل إلى "القوة الذهنية".
ويقدم مصطفى خليفة، استشاري تطوير الأعمال، الخطوات والنصائح التي تجعلك لديك قوة ذهنية من خلال عادات الناس الأقوياء كما يلي:
1- لديهم القدرة على حل المشاكل:
عادة مبيحبوش يدخلوا في أنشطة أو مناقشات غير منتجة، أو الشكوى، أي مشكله بتتحكي بيفكروا يحلوها إزاي مش كلام وخلاص، وكمان بيحسبوا المخاطرة وياخدوا قرارات تبان عنيفة أو متهورة ولكنها محسوبة.
2. مراقبة عواطفهم:
بيبقوا متابعين حالتهم النفسية وبيحسوا امتى هيبتدوا يدخلوا في مزاج سيء وبيشتغلوا على ده، فجأة تلاقيه بيقول أنا عايز أغير جو، محتاج أعمل حاجة جديدة، ولو في مزاج جيد بيعرفوا يستغلوا ده لصالحهم.
3. ممارسة التفاؤل المنطقي:
مش متفائلين لدرجة غير منطقية ولا متشائمين، دايما بيبقوا في الناحية الإيجابية وبيدوروا على الحاجات اللي تخليهم متفائلين، وبيبعدوا عن أي حاجه تأثر عليهم سلبا.
4. يظهرون التعاطف مع أنفسهم:
من خلال حديث داخلي، ممكن يكون نقد على تصرف غير صحيح أو تشجيع لإنجاز اتحقق.. عندهم تصالح مع نفسهم وبيسامحوا نفسهم على أخطائهم في سبيل عدم تكرارها، ولو اتكررت بيبقى أعنف على نفسه من أي حد تاني.
5- لديهم نظرة إيجابيه ويضعون حواجز صحية:
دايما بيبتعدوا عن أي تشائم وبيرفضوا أن حد يتسبب أن يومهم يبقى سيء، عندهم إحساس أنهم مسيطرين على يومهم ومسؤولين عن تصرفاتهم.
6- لديهم القدرة على إدارة الوقت بشكل جيد:
لأنهم بيشوفوا الوقت مهم جدا، عشان كده بيحاولوا يستغلوه بأفضل شكل ممكن، يزعلوا أوي لو حسوا أنهم بيضيعوا وقت، وممكن يعملوا حاجتين في نفس الوقت عشان يستغل الوقت بأفضل طريقة.
7- الاجتهاد لتحقيق أهدافهم:
لأنهم غالبا أشخاص محددين أهدافهم، بيسعوا دايما لتحقيق الأهداف، وبيحددوا أهداف يوميه أو مهام لازم تتعمل وبيسعوا لتنفيذها، وبيوصلوا الرضاء النفسي لما بيحققوها.
8- السعي وراء الأفضل:
لأنهم بيشوفوا كل التحديات والصعاب على أنها فرص للتحسن، دايما شايفين أنهم مش أقوياء كفاية، وأن لسه قدامهم كتير يعملوه وينجزوه وبيسعوا للتحسن المستمر.
9- متابعة إنجازاتهم وأدائهم:
لأنهم عايزين يحققوا أهدافهم، فبيتابع تقدمه وبيعرف امتى هو كده متأخر أو مش هيلحق يخلص، فتلاقيه في وسط الشغل يفكر أن لو كمل كده مش هيلحق يخلص، ويبتدي يفكر في حلول بديلة عشان يسرع أداءه.
تعليقات الفيسبوك