شقة «ياسمين» بديلاً لـ«السنتر»: مذاكرة ومزيكا

08:24 م | الثلاثاء 06 نوفمبر 2018

امتحانات «الميدتيرم» اقتربت فى الجامعات، لذا تفكر «ياسمين» فى إعداد مكان خاص للطلاب المقبلين على تلك الاختبارات للمذاكرة، فى جو هادئ تسمع فيه موسيقى هادئة، ومراقبة لطيفة على سير عملية المذاكرة دون لعب، ولكل ساعة قيمتها، فالواحدة بـ15 جنيهاً، وما زاد على 4 ساعات بـ60 جنيهاً، والمشروبات والسندويتشات والوجبات جاهزة.

شقة صغيرة بمدينة نصر، بها بعض الأنشطة والورش والغرف الخاصة بممارسة بعض الأعمال المكتبية، تديرها ياسمين على، التى خصصت مكاناً للطلاب المقبلين على الامتحانات: «المكان جاهز، الشخص هيدفع 15 جنيه للساعة شاملة المشاريب، من شاى وقهوة ونسكافيه».

تحكى «ياسمين»: «مفيش أحاديث جانبية ولا رغى، وكل شوية ممكن بهزار نقول للناس بتذاكروا ولا بتلعبوا»، موضحة أن تلك الشقة تضم بعض المعدات والأدوات اللازمة لكليات الهندسة والفنون التطبيقية: «بنشغل موسيقى لطيفة للناس كلها، وممنوع حد يشغل مزيكا من عنده أو أغانى، عشان الناس تركز».

{long_qoute_1}

غير مسموح بالتدخين داخل المكان، وترى «ياسمين» أن هذه النوعية من الأماكن المخصصة للمذاكرة قد يكون لها نفع جيد: «مذاكرة فى مكان جديد، بشكل مختلف، وبتبقى كلها أيام استعداد للميدتيرم، وقريب هنكبّر المكان».