إزاى تعمل «فورمة جيم» فى صفط اللبن؟
إزاى تعمل «فورمة جيم» فى صفط اللبن؟
- الجيم
- صالات الجيم
- الأجهزة الرياضية
- ممارسة الرياضة
- الصالات الرياضية
- الجيم
- صالات الجيم
- الأجهزة الرياضية
- ممارسة الرياضة
- الصالات الرياضية
على الرغم من أن الصالات الرياضية فى معظم المناطق الشعبية إمكانياتها متواضعة، وأجهزتها قليلة وقديمة وتفتقر إلى الجودة والحداثة، ومساحاتها ضيقة تعيق الحركة، فإن بعضها استطاع جذب الكثير من محبى ممارسة الرياضة وتحقيق أهدافهم بصناعة جسد رياضى مثالى بأسعار رمزية تتراوح بين 40 و80 جنيهاً شهرياً.
وذلك فى الوقت الذى رفعت فيه المراكز الرياضية أسعار «الجيم» بدرجة كبيرة، حيث تتراوح الأسعار فى بعض هذه المراكز بين 4 آلاف و10 آلاف جنيه سنوياً، وهو ما جعل شباب المناطق الشعبية يرفعون شعار «اعمل فورمتك فى أى مكان».
«اللى عنده إصرار يعمل الفورمة بيعملها حتى لو من البيت وبأقل الإمكانيات، كل الموضوع أن يكون فيه هدف عايزين نحققه»، قالها محمود حسين، الشهير بـ«تايجر»، مدرب رياضى بنادٍ شعبى بمنطقة صفط اللبن، سعر الاشتراك فى صالته الرياضية 80 جنيهاً شهرياً، والشهران بـ150 جنيهاً، وتعد هذه الأسعار قليلة مقارنة بالنوادى الشهيرة.
{long_qoute_1}
يحتوى «الجيم» على أجهزة رياضية بسيطة لكنها كافية للوصول إلى جسد مثالى: «جوه الجيم بنكون كلنا أسرة واحدة، اللى عنده معلومة صحيحة عن الرياضة بيقولها لغيره، بنقدر نعمل الفورمة اللى عايزينها من غير ما ندفع دم قلبنا».
يلعب «محمود» كمال أجسام منذ عام 2005، وهى رياضته المفضلة: «كنت حابب إن الناس تستفيد أكتر من خبراتى فى الرياضة فنزلت الجيم بقيت أساعد وأدرب أى حد نفسه يعمل فورمة من غير ما يتكلف فلوس كتير فى جيمات تانية غالية».
عمرو مصطفى، أحد هواة رياضة الفيتنس، والذى يتدرب بإحدى الصالات الرياضية فى منطقة الجيزة، يقول: «اللى بيبقى عايز يعمل فورمة فعلاً مابيستناش يروح مكان غالى، يكفى أن يكون فيه أوزان ومشاية بنسخن عليها والباقى بنتدرب مع بعض».
يمارس «عمرو» الرياضة منذ أكثر من 5 أعوام: «فى الصالات التانية يقولك لو عايز تعمل فورمة لازم يبقى ليك مدرب وتدفع له فى الشهر مش أقل من 2000 جنيه غير اشتراك الجيم، أنا هنا فى اشتراكى مابدفعش أكتر من 70 جنيه بس».
